ފެމިލީ ކޯޓް ޤާޟީ މަޤާމުގެ ފުރުޞަތު ހުޅުވާލާ ޖުޑީޝަލް ސާވިސް ކޮމިޝަނުން 09 މޭ 2023 ގައި ކުރި އިޢުލާން މިއަދު ބާތިލް ކޮށްފިއެވެ.
ފެމިލީ ކޯޓުގެ ޤާޟީކަމަށް ކުރިމަތިލުމަށް ޖުޑީޝަލް ސާރވިސް ކޮމިޝަން، ޖޭއެސްސީން މިމަހުގެ 9 ވަނަ ދުވަހު ހުޅުވާލި ފުރުޞަތުގެ މުއްދަތު ހަމަވީ މިމަހުގެ 22 ވަނަ ދުވަހަށެވެ. އެ މުއްދަތުގެ ތެރޭގައި 25 ބޭފުޅަކު ޤާޟީކަމަށް ކުރިމަތިލައްވާފައިވާކަމަށް ޖޭއެސްސީން ވިދާޅުވިއެވެ.
މިއިއުލާން ބާތިލްކަމަށް ކަނޑައަޅާއި ޖޭއެސްސީން ނެރުނު އިއުލާންގައި ވިދާޅުވެފައި ވަނީ އިޢުލާނާއި ގުޅިގެން ފެމިލީ ކޯޓުގެ ޤާޟީކަމުގެ މަޤާމަށް ކުރިމަތިލާ ހުށަހަޅުއްވާފައިވާ އެޕްލިކޭޝަންތައްވެސް ވަނީ ބާޠިލްކުރެވިފައި ވާކަމަށެވެ.
ނަމަވެސް އިއުލާން ބާތިލްކުރި ސީދާ ސަބަބެއް މިހާތަނަށް ހާމަކޮށްފައި ނުވެއެވެ. ފެމިލީ ކޯޓުގެ ފަނޑިޔާރުންނަށް މުސާރަ އާއި އިނާޔަތްތަކާ އެކު މަހަކު 46،000ރ. ލިބިވަޑައިގަންނަވާނެ އެވެ.
