ބޮލީވުޑުގެ ތަރި އަނުޝްކާ ޝަރުމާ އާއި ފިރިމީހާ، ކްރިކެޓް ތަރި ވިރާޓު ކޯލީގެ ޖޯޑަކީ ބަލާލަން ހިތްގައިމު އެހާމެ ނަމޫނާ ޖޯޑެކެވެ. މި ދެތަރިންގެ ސޯޝަލް މީޑިއާ ފޮލޯކުރަމުންދާ ފޭނުންނަށް އެތަށް ޕޮޒިޓިވް ވައިބްތަކެއް ފޯރުކޮށްދޭއިރު ދެމީހުންގެ ގުޅުންވެސް އެހާމެ ފުރިހަމައަށް އަންނަނީ ދަމަހައްޓަމުންނެވެ.
އިއްޔެ އަނުޝްކާ އޭނާގެ އިންސްޓަގުރާމުގައި ހިއްސާ ކޮއްފައިވާ ފޮޓޯ ބަލާލުމުންވެސް މި ދެމަފިރިންގެ ދޭތެރޭގައި އޮތް ލޮތްބާ އަޅާލުން ރަގަނޅަށް ފެނިގެންދެއެވެ. ބައެއް ރިޕޯޓުތަށް ބުނާގޮތުގައި ބޮލީވުޑުގެ މަޝްހޫރު އެކްޓްރެސްއެއް މާބަނޑު ދުވަސްވަރު އޭނާގެ އަސްލުބަނޑުގެ ފޮޓޯއެއް ބެލުންތެރިންނާ ހިއްސާކުރި މިއީ ފުރަތަމަ ފަހަރެވެ.
އަބަދުވެސް ޔޯގާކުރުމަށް ހާއްސަ ސަމާލުކަމެއްދޭ ތަރި އަނުޝްކާ ޝަރުމާ ހިއްސާ ކޮއްފައިވާ ފޮޓޯއިން ފެނިގެންދަނީ އެކޮޅުކޮޅުން އޮވެ ހަދާ ޔޯގާގެ ހަރަކާތެއް ހަދާ މަންޒަރެވެ. ފާރެއްގެ އެހީއާއިއެކު އަނުޝްކާ ޔޯގާ ހަދަމުންދާއިރު އިތުރު އެހީތެރިކަމެއް ދިނުމުގެ ގޮތުން ވިރާޓް އޭނާއަށް އެހީތެރިވާ މަންޒަރު ފެނެއެވެ.
ލޮތްބާ އޯގާތެރިކަމުން ފުރިގެންވާ މި މަންޒަރުގެ ފޮޓޯ ހިއްސާކުރަމުން އަނުޝްކާ ބުނެފައިވަނީ އެއީ މާބަނޑު ދުވަސްވަރު ކުރަން އެންމެ އުދަގޫ ކަސްތަރު ކަމަށެވެ. އެހެން ނަމަވެސް ޔޯގާ އަކީ އާއްމުކޮށް ކުރާކަމަކަށްވާތީ މާބަނޑު ދުވަސްވަރުވެސް ދޫކޮށްނުލާ އެކަން ކުރުމަށް ޑޮކްޓަރުވެސް އިރުޝާދު ދީފައިވާކަމަށް އަނުޝްކާ ބުނެފައިވެއެވެ.
View this post on Instagram
އޭނާ ޔޯގާ ހަދަނީ ޔޯގާ ޓީޗަރުގެ އެހީތެރިކަން ވަރޗުއަލްކޮށް ހޯދައިގެން ކަމަށްވެސް މި ޕޯސްޓް ޝެއަރ ކުރަމުން ލިޔެފައިވެއެވެ. އަދި މާބަނޑު ދުވަސްވަރުވެސް ޔޯގާ ކުރިއަށް ގެންދެވޭތީ އުފާވާ ކަމަށް ބުނެފައިވާ އަނުޝްކާއަކީ، ޔޯގާ އެއީ އޭނާގެ ދިރިއުޅުމުގެ ބޮޑުބައެއް ހިއްސާ ކުރާ ކަމެއް ކަމަށް ޤަބުލުކުރާ ތަރިއެކެވެ.
މިއަހަރުގެ އޯގަސްޓް މަސްތެރޭގައި މިދެމަފިރިނަށް ދަރިއަކު ލިބެން އުޅޭކަން ފޭނުންނާ ހިއްސާ ކުރަމުން ކޮށްފައިވާ ޕޯސްޓުގައި ބުނެފައިވަނީ ޖެނުއަރީ 2021ގައި އެ ދެމަފިރިން ތިންމީހުނަށް ވާނެކަމަށެވެ. މިހާރު މި ޖޯޑުގެ ގިނަ ފޭނުން އިންތިޒާރު ކުރަމުންދަނީ އެދަރިފުޅު އުފަންވާނެ ވަގުތަށެވެ.
