ބޯކޮށް ވާރޭ ވެހޭނެ ކަމަށް ލަފާކޮށް ރާއްޖޭގެ އެންމެ ދެކުނުގެ ދެ ސިޓީ ކަމަށްވާ އައްޑު އާއި ފުވައްމުލަކަށް ވައިޓް އެލާޓް ނެރެފި އެވެ.
މޫސުމާ ބެހޭ އިދާރާ އިން މި ދެ ސިޓީއަށް ވައިޓް އެލާރޓް ނެރެފައި ވަނީ ހަވީރު 5:00 އިން ފެށިގެން މިރޭ 10:00 އާ ހަމައަށެވެ. އެގޮތުން އެ ވަގުތުގެ ތެރޭގައި ބޯކޮށް ވާރޭ ވެހި ގުގުރާނެ ކަމަށް ލަފާކޮށްފައިވެ އެވެ. މިއަދު ހަވީރު 3:00 ގެ ފަހުން އައްޑު އާއި ފުވައްމުލަކަށް ވަރަށް ބޮޑަށް މޫސުން ގޯސްވެފައިވެ އެވެ.
މި ދެ ސިޓީ އަށް މިއަދު ވައިޓް އެލާޓް ނެރުނު އިރު، މިދިޔަ މަހުގެ ފަހުކޮޅުން ފެށިގެން ކުރަން ފެށި ވިއްސާރައިގެ ސަބަބުން މި މަހުގެ ފުރަތަމަ ހަފުތާއާ ހަމައަށް އައްޑު އާއި ފުވައްމުލަކަށް ބޯކޮށް ވާރޭ ވެހި ފެންބޮޑުވެ، އެކި ވަރުގެ ގެއްލުން ވެސް ވެފައިވެ އެވެ.
ކޮމެންޓު ފޮނުވާ