ކުރީގެ ބަތަލާ އަމްރިތާ ސިންގް އާއި އެކްޓަރު ސައިފް އަލީ ހާންގެ ފިރިހެން ދަރިފުޅު އިބްރަހިމް އަލީ ހާން ބޮލީވުޑްއަށް އަށް ތާރަފްވާ ފިލްމް ގެ ޝޫޓީން މިހާރު ނިންމައިލައިފައިވާ ކަމަށް އޭނާގެ ދައްތަ ބަތަލާ ސާރާ އަލީހާން ކަށަވަރުކޮށްދީފިއެވެ.
ކަރަން ޖޯހަރްގެ ކުރިއަށް އޮތް ފިލްމް 'ރޮކީ އޯރް ރާނީ ކީ ޕްރޭމް ކަހާނީ' ގައި އެސިސްޓެންޓް ޑައިރެކްޓަރެއްގެ ގޮތުގައި މަސައްކަތް ކޮށްފައިވާ އިބްރަހިމް ބޮލީވުޑްއަށް ތައާރަފްވަނީ "ސަރްޒަމީން" ކިޔާ ފިލްމް އަކުންނެވެ.
މި ފިލްމް އާއި ބެހޭގޮތުން މިހާތަނަށް އަދި އެއްވެސް މައުލޫމާތެއް ހާމަކޮށްފައިއެއް ނުވެއެވެ. ނަމަވެސް މިދިޔަ ފެބްރުއަރީ މަހުގެ ތެރޭގައި ކަޝްމީރުގައި ޝޫޓިން ފެށި ފިލްމުގެ މަސައްކަތް ނިމުނު ވާހަކަ ހިއްސާކުރީ އިބްރާހީމް، 20، ގެ ދައްތަ ބަތަލާ ސާރާ، 27، ބުނީ އޭނާ ގެ ކޮއްކޮ އިބްރަހިމް ބޮލީވުޑްއަށް ތައާރަފްވާ ފިލްމް ގެ މަސައްކަތް މިހާރު ވަނީ ނިމިފައިކަމަށެވެ.
މީގެ ކުރިން ނޫސްތަކުން ބުނެފައިވަނީ އިބްރަހިމް ބޮލީވުޑްއަށް ތައާރަފްވަނީ ކަރަންގެ ފިލްމް އަކުންނެވެ. ނަމަވެސް މިކަަމާއި ބެހޭގޮތުން އަދި ފިލްމްގެ އިތުރު ކާސްޓާއ ބެހޭގޮތުންވެސް މިހާތަނަށް އަދި އެއްވެސް މައުލޫމާތެއް ހިއްސާކޮށްފައިއެއް ނުވެއެވެ.
View this post on Instagram
އިބްރަހިމް ބޮލީވުޑްއަށް ތައާރަފް ވުމަށް ތައްޔާރު ވަމުން އަންނަ އިރުގައި ގިނަ އަދަދެއްގެ ސްޓާ ކިޑުން މިހާރު އަންނަނީ ބޮލީވުޑްއަށް ތައާރަފްވުމަށް ތައްޔާރު ވުމަށް މަސައްކަތް ކުރަމުނެވެ. އެގޮތުން އެންމެ ފާހަގަ ކޮށްލެވެނީ ޒޯޔާ އަހުތަރު ޑައިރެކްޓް ކޯށްފައިވާ "ދަ އާޗީސް" އެވެ. އެގޮތުން އަމިތާބް ގެ ކާފަ ދަރިފުޅު އަގަސްތިޔާ އާއި ސްރީދޭވީގެ ހަގު ދަރިފުޅު ހުޝީ އާއި ސުޕަސްޓާރު ޝާހުރުކް ހާންގެ އަންހެން ދަރިފުޅު ސުހާނާ ހާން "ދި އާޗީސް" އިން ބޮލީވުޑްއަށް ނުކުންނާނެއެވެ.
