މަޖިލީހުގެ މިއަދުގެ ޖަލްސާގެ ތަޅުމުގައި ކުރިއަށް ގެންދަން އޮތް މިނިސްޓަރާއި ސުވާލު ކުރުމުގެ ބައިގައި އިދިކޮޅު ޕީޕީއެމްގެ މެމްބަރުން މަޖިލީހުގެ ތަޅުގައި އަޑުގަދަކޮށް ޖަލްސާ ކުރިއަށް ގެންދަން ހުރަސް އެޅުމުން ޖަލްސާ މެދު ކަނޑާލައިފިއެވެ.
މިއަދުގެ ޖަލްސަގައި އޮތީ މިސަރުކާރުން މީހުން ދިރިއުޅޭ 61 ރަށުގައި ޕޮލިސް ސްޓޭޝަން ޢިމާރާތްކުރަން ނިންމަވައި، އޭގެ އޭގެ ތެރޭގައި ތ.ތިމަރަފުށި އަދި ތ.ވޭމަންޑޫ ޕޮލިސް ސްޓޭޝަން ހިމެނޭ ކަމަށް މިނިސްޓަރ އިމްރާން 2022 ވަނަ އަހަރު ވިދާޅުވި ނަމަވެސް އެކން ފެށިފައި ނުވާތީ އެކަން ސާފު ކުރުމަށް ތިމަރަފުށި ދާއިރާގެ މެންބަރު ރިޔާޟް، މިނިސްޓަރ އިމްރާނާއި ސުވާލު ކުރުމެވެ.
އިމްރާނާއި ސުވާލު ކުރުމަށް ހުޅުވާލުމުން މަޖިލީހުގެ ނައިފަރު ދާއިރާގެ މެމްބަރު ޝިޔާމް ވަނީ ރައީސް ޔާމީނަށް ނުހައްގުން އަނިޔާ ކުރާކަމަށްބުނެ އިމްރާނަށް ވަރަށް ބޮޑަށް ނުރުހުން އަމާޒުކޮށްފައެވެ. އަދި ރިޔާސީ ކެނޑިޑޭޓެއްގެ ގޮތުގައި ރައީސް ޔާމީން ވެވަޑައިގެންފައިވާއިރު ރައީސް ޔާމީން ހައްޔަރު ކޮށްގެން އުޅެނީ އުސޫލުން ބޭރުންކަމަށް ވަނީ ވިދާޅުވެފައެވެ.
މަޖިލީހުގެ ތަޅުމުގައި މަސައްކަތް ކުރެވޭނެ މާހައުލެއް ނެތުމުން އަދި އަޑުގަދަ ކުރެއްވި މެމްބަރުންގެ ތެރެއިން ޝިމާއި، ފަރެސްމާތޮޑާ ދާއިރާގެ މެމްބަރު ހުސެއިން މުހައްމަދު ލަތީފްގެ ނަން އިއްވައި މަޖިލިސް ވަނީ މެދު ކަނޑާލާފައެވެ. މަޖިލިސް ފެއްޓީ އެދެމެމްބަރުން ތަޅުން ދޫކުރެއްވުމުންނެވެ.
One Response
ސިޔާމު އަށް ވެގެން އުޅޭ ގޮތަކީ ޔާމީނަށް ކުރިނުލެވުނަސް ޕީޕީއެމްގެ ފަރާތުން ސިޔާމު ނެރުމަށް ސީދާ ޔާމީނު ނޫނެކޭ ބުނެފިއެވެ. ހިސަަބަށްވުރެން ގިނައިން ދޮގުހަދާކަން ޔާމީނަށްވެސް އެގެއެވެ.