2021 ވަނަ އަހަރުގެ އޮކްޓޯބަރު މަހުގެ ތެރޭގައި ކުރޫޒް ބޯޓެއްގައި ހުއްޓައި ހައްޔަރު ކުރި ބޮލީވުޑްގެ ސްޕްސްޓާރު ޝާހުރުކް ހާން ގެ ދަރިފުޅު ޖަލުން ދޫކޮއްލުމަށް އެދި އޭނާ ފޮނުވި މެސެޖްތަކެއް ލީކްވެއްޖެއެވެ.
2021 ވަނަ އަހަރުގެ އޮކްޓޯބަރު 2 ވަނަ ދުވަހު އާރިޔަން ހައްޔަރުކުރީ ކްރޫޒް ލައިނާއެއްގައި މަސްތުވާތަކެއްޗާ އެކު ޕާޓީކުރި ބައެއްގެ ތެރެއިންނެވެ. ހައްޔަރު ކޮށް ޖަލުގައި ގެންގުޅުމަށް ފަހު އޭނާ ދޫކޮށްލާފައި ވަނީ އޮކްޓޫބަރު 30ގަ އެވެ. އޭނާ އާއެކު ޖުމްލަ 14 މީހަކު ހައްޔަރު ކުރިއެވެ.
ނަމަވެސް އޭނާގެ މައްޗަށް އުފުލި ދައުވާތަކަށް އެކަށީގެންވާ ވަރަށް ހެކި ނެތް ކަމަށް ބުނެ ދައުވާތައް ކުރިއަށް ނުގެންދަން ނިންމައި އޭނާ ވަނީ މިނިވަން ކޮށްފައެވެ.
އެމައްސަލައިގައި ޝާހުރުގެ އާއިލާ ގެ ނިދި ގެއްލި ބޮޑު ފުން ހިތާމައަކަށް ވެއްޓި ދަރިފުޅަށްޓައި އޭނާ ވަނީ އެތަށް ބައެއްގެ ކައިރިއަށް ގޮސް އާދޭސްކޮށްފައިއެވެ. އާރިޔާން މައްޗަށް ފުރަތަމަ ހިންގި ތަހުގީގުގައި މައްސަލަތަކެއް ހުރި ކަމަށް އެންސީބީގެ ވެރިޔާ އެސްއެން ޕްރަދާން ފަހުން ވަނީ އެއްބަސްވެވަޑައިގެންފައިއެވެ.
މީގެ އިތުރުން އެމައްސަލަ ތަހުގީގު ކުރަމުން ދިއަ އޮފިސަރު އެންސީބީގެ މުމްބާއީ ޒޯން ޑިރެކްޓަރު ސަމީރު ވަންކެޑީ ރިޝްވަތު ހިފަން އުޅުން ކަމަށް ތުހުމަތު ކޮށް އޭނާގެ މައްޗަށް ވަނީ ބޮމްބޭ ހައި ކޯޓުގައި ދައުވާ އުފުލާފަ އެވެ.
އެ ތުހުމަތުގައި ބުނާ ގޮތުން ސަމީރު ވަނީ ސާހުރުކް ހާން އަތުން އާރްޔަން އެ މައްސަލައިން ސަލާމަތްކޮށްދޭނެ ކަމަށް ބުނެ 25 ކްރޯޑު ރުޕީސް (47.5 މިލިއަން ރުފިޔާ) ހޯދަން މަސައްކަތް ކޯށްފައިއެވެ.
ސަމީރުގެ މައްސަލަތަށް މިހާރު ކޯޓުގައި ކުރިއަށްދާއިރުގައި އައު މައްސަލައެއް މި ވަނީ ފެންމަތިވެފައިއެވެ. ޝާހުރުކް، ސަމީރު އަށް ފޮނުވިކަމަށް ބުނާ މެސެޖްތަކެއް މިހާރު ވަނީ ލީކްވެފައިއެވެ.
އެމެސްތަކުގައި ވަރަށް ބޮޑަށް އޭނާގެ ދަރިފުޅު ޖަލުން ނެރެދިނުމަށް އެދި ޝާހު ވަނީ އާދޭސްކޮށްފައިއެވެ. އަދި އާރްޔާން އާއި އެމު އޯގާތެރި ވުމަށް އެދި ވަނީ ވަރަށް ބޮޑަށް އަދޭސްކޮށްފައިއެވެ. މެސެޖްތަކުގައިވެސް އާރްޔާން އަކީ މައުސޫމް ކުއްޖެއްކަމަށް އޭނާ ވަނި އެތަށް ފަހަރަކު ބުނެފައިއެވެ.
