ރައީސް ނަޝީދުގެ "ފިކުރެއްގެ ދިރުން"ގެ މަސައްކަތްތައް ސިޔާސީ ޕާޓީއެއްގެ ގޮތުގައި ރަޖިސްޓްރީކުރުމުގެ ހުއްދައަށް ހުށަހަޅާފައިވާއިރު ކުރިއަށް އޮތް ރިޔާސީ އިންތިހާބުގައި އެ ޕާޓީން ކެންޑިޑޭޓަކު ނެރުމަށް ވަނީ ނިންމާފައެވެ.
ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދުގެ އާ ޕާޓީގެ ނަމަކީ "ދަ ޑިމޮކްރެޓްސް" އެވެ. ޕާޓީ ރަޖިސްޓްރީކުރުމުގެ ހުއްދައަށް އެދުނީ އެ ޕާޓީގެ ކުރީގެ ޗެއާޕާސަން އަދި ހެންވޭރު ހުޅަނގު ދާއިރާގެ މެމްބަރު ހަސަން ލަތީފްގެ ނަމުގައެވެ.
އެ ޕާޓީ އުފައްދަން އީސީއަށް ވަޑައިގަތް ގިނަ މެމްބަރުން ތިއްބެވީ މަޑު ނޫކުލައިގެ ޓައީ އަޅުއްވައިގެންނެވެ. އެހެންކަމުން ބެލެވެނީ އެއީ އެ ޕާޓީގެ ކުލަ ކަމަށެވެ.
މި ޕާޓީ އުފެއްދުމަށްޓަކައި ރައީސް ނަޝީދަށް ތާއީދުކުރައްވާ ރައްޔިތުންގެ މަޖިލީހުގެ 12 މެންބަރަކު ވަނީ މިދިޔަ ބުދަ ދުވަހު އެމްޑީޕީން ވަކިވެފައެވެ. މިއަދު ފޯމު ހުށަހަޅަން ދިޔަ ރަސްމިއްޔާތުގައިވެސް މިމެމްބަރުން ވަނީ ބައިވެރިވެފައެވެ. އިލެކްޝަން ކޮމިޝަނުން މި ފޯމާއި ހަވާލުވީ އެކޮމިޝަންގެ ނައިބް ރައީސް އިސްމާއިލް ހަބީބެވެ.
ރައީސް މުހައްމަދު ނަޝީދުގެ އާ ޕާޓީގެ "ދަ ޑިމޮކްރެޓްސް" އިން ވަނީ ކުރިއަށް އޮތް ރިޔާސީ އިންތިޚާބުގައި ކެނޑިޑޭޓަކު ނެރުމަށް ނިންމާފައެވެ.
One Response
ތީ ކޮންކަހަލަ ޑިމޮކްރެޓުސް އެއް، ތީ ނަމުން ދިމާޤުރާތުސް ކަމުން އަރަބި ވަލު ޤަބީލާ، ވިސްނުމުން ތިމާމެން ނޫން ބަޔަކާ ދުވަހަކު 1 ގަލަކަށް ނޭރޭ،