މިދިޔަ މެއި މަހުގެ 13 ވަނަ ދުވަހު ބޮލީވުޑްގެ ޒުވާން ބަތަލާ ޕަރިނީތީ ޗޯޕްޅާ ވަނީ ނިއު ދިއްލީގައި ސިޔާސީ ދާއިރާގެ މީހެއް ކަމުގައިވާ ރާގަވް ޗައްޑާއާ އެންގޭޖްވެފަ އެވެ.
އެންގޭޖްމަންޓުގައި ބައިވެރިވީ ހަމައެކަނި އާއިލާ އާއި ގާތް ރަހުމަތްތެރިންނެވެ. ނަމަވެސް މި ހަފްލާ ބާއްވާފައިވަނީ ވަރަށް ކުލަގަދަކޮންނެވެ. އަދި އެމީހުން ވަނީ އެންގޭޖްމެންޓް ޕާޓީ އަށް ފަހު ނުކުމެ ނޫސްވެރިންނަށް ފޮޓޯ ނެގުމުގެ ފުރުސަތު ވެސް ދީފައިއެވެ.
ޕަރިނީތީ އެންގޭޖްވިތާ ތިން ދުވަސް ފަހުން މުމްބާއީއަށް ގޮސް ދިއްލީ އެއާޕޯޓުން ނަގާފައިވާ ފޮޓޯއެއް ވަނީ ހިއްސާކޮށްފަ އެވެ. އިންސްޓަގްރާމް ސްޓޯރީތަކުގައި އަޕްލޯޑްކުރި ޝޮޓްގެ ކެޕްޝަންގައި ބަތަލާ ލިޔެފައި ވަނީ "ހިތް ބާއްވާފައި ދާ" ކަމަށެވެ.
View this post on Instagram
ޕަރިނީތީ އާއި ރާގަވްގެ އެންގޭޖްމަންޓް ހަފުލާ ބާއްވައިފައިވަނީ ނިއު ދިއްލީގަ އެވެ. އަދި ކައިވެނީގެ ހަފުލާ ބާއްވާނީ ވެސް ދިއްލީ ނުވަތަ ރާޖަސްތާނުގައި ކަމަށް މީޑިއާތަކުން ބުންޏެވެ. އަދި މިކަިއވެންޏަށް މިހާރު ދެފަރާތުގެ އާއިލާ އިން ވަރަށް ބޮޑަށް ތައްޔާރު ވަމުން އަންނަ ކަމަށް މައުލޫމާތު ލިބެއެއެވެ. ޕަރިނީތީ އާއި ރާގަވް މިއަހަރުގެ އޮކްޓޯބަރު މަހުގައި ކައިވެނި ކުރާނެއެވެ.
ޕަރިނީތީ، 34، އާ އެކީ ލަންޑަނުގައި ކިޔެވި ރާގަވް، 34، އަކީ އިންޑިއާގެ އިދިކޮޅު ޕާޓީއެއް ކަމަށްވާ އާމް އާދުމީ ޕާޓީ (އާޕް) ގެ މެމްބަރެއެއްގެ އިތުރުން އިތުރުން އިންޑިއާގެ ގާނޫނު ހަދާ މަޖިލީހުގެ މަތިގެ، ރާޖިއަ ސަބާގެ މެމްބަރެއް ވެސް މެ އެވެ.
