ކަރަން ޖޯހަރ ގެ ނެޓްފްލިކްސް ސީރީޒް "ފެބިއުލަސް ލައިފްސް އޮފް ބޮލީވުޑް ވައިވްސް" އަކީ ވަރަށް ގިނަ މީހުން ގާތުން ބަލާ ސީރީޒް އެކެވެ.
މި ސީރީޒްގައި ފެނިގެންދިޔަ ކަމަކުން ފޭނުން މިވަނީ އާޝޯހު ވެފައެވެ. އެއީ ކައިލީ ޖެނާ ޖާންވީ ކަޕޫރަށް އުފަންދުވަހުގެ ތަހުނިޔާ ކީ ކަމެވެ. މިކަމަށް ވުރެން ފޭނުން ހައިރާންވީ ޖާންވީ އެކަން އެކަކު ކައިރީވެސް ބުނެފައި ނުވާތީއެވެ.
މި ސީރީޒްގެ އެޕިސޯޑެއްގައި ޖާންވީ އެނާ އާއި ދެބެންގެދެދަރި، ޝަނާޔާ ކަޕޫރުގެ ގެޔަށްގޮސް ވާހަކަ ދައްކަން ތިއްބާ، އެކްޓަރ ސަންޖޭ ކަޕޫރުގެ އަންހެނުން މަހީޕް ކަޕޫރު އައިސް ޖާންވީ ގާތުގައި ކައިލީޖެނާ އޭނާއަށް އުފަންދުވަހުގެ ތަހުނިޔާ ފޮނުވި ކަމާއި ބެހޭގޮތުން ސުވާލުކުރިއެވެ. އެއާއެކު ޖާންވީ ކަޕޫރު އޭނާގެ ފޯނު ނަގައި ކައިލީ ކޮށްފައިވާ ވީޑިއޯ މެސެޖު ދައްކާލިއެވެ.
ކައިލީ މީގައި ބުނަނީ މިއީ ކައިލީ ކަމަށާއި ވަރަށް ލޯބިވާ ކަމަށެވެ. ޖާންވީ އެވާހަކަ ނުދެއްކީތީ ފޭނުން ތިބީ ވަރަށް އުފަލުންނެވެ. އަދި ޓުވިޓާގައި އެތަކެއް ކޮމެންޓުތަކެއް ލިޔެފައި ހުއްޓެވެ.
ފެބިއުލަސް ލައިފްސް އޮފް ބޮލީވުޑް ވައިވްސް އަކީ ބޮލީވުޑްގެ މަޝްހޫރު ތަރިންގެ އަންބިންގެ މުއްސަނދި ދިރިއުޅުން ދައްކުވައިދޭ ގޮތަށް، ކަރަން ޖޯހަރްގެ ޕްރޮޑަކްޝަން ހައުސް އިން ނެޓްފްލިކްސްގައި ގެނެސްދޭ ސިލްސިލާއެކެވެ.
