އެމް.އެ.ސީ.އެލް އެއިރޯ ރެސިޑެންސް (އެމްއޭސީއެލް ހިޔާ ޓަވަރު) ސަރަހައްދުގައި ބަސް ހުއްޓިއެއް ގާއިމްކޮށް އެތަނަށް ބަސް ދަތުރުތައް ފަށާފައިވާކަމަށް އެމްޓީސީސީއިން ބުނެފިއެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)ން ބުނީ ހުޅުމާލޭގައި ދިރިއުޅޭ ރައްޔިތުންނަށް ފޯރުކޮށްދޭ އާރްޓީއެލް ބަހުގެ ޚިދުމަތް އިތުރަށް ފުޅާކޮށް ލުއިފަސޭހަކޮށްދިނުމުގެ ގޮތުން، ހުޅުމާލެ ދެވަނަ ފިޔަވަހީގައި ހުންނަ އެމް.އެ.ސީ.އެލް އެއިރޯ ރެސިޑެންސް (އެމްއޭސީއެލް ހިޔާ ޓަވަރު) ސަރަހައްދުގައި ބަސް ހުއްޓިއެއް ގާއިމް ކުރެވިފައިވާ ކަމަށެވެ.
އެމްޓީސީސީން ބުނީ އާރްޓީއެލް ބަހުގެ ޚިދުމަތުގައި ހިމެނޭ R8, R7, R6 އަދި R9 ރޫޓުގެ ބަސްތައް މެދުވެރިކޮށް 15 މެއި 2023 އިން ފެށިގެން މި ބަސް ހުއްޓިއަށް ޚިދުމަތް ދިނުމަށް ހަމަޖެހިފައިވާ ކަމަށެވެ.
މި ކަމާއި ގުޅޭ އިތުރު މަޢުލޫމާތު ސާފުކުރުމަށް ބޭނުންވާ ފަރާތްތަކުން އެމްޓީސީސީގެ ހޮޓްލައިން ނަންބަރު 1650 އަށް ގުޅުމުން މައުލޫމާތު ސާފުކުރެވޭނެ ކަމަށް އެކުންފުނިން ބުނެއެވެ.
