އެމްޑީޕީގެ ރައީސް މުހައްމަދު ނަޝީދާއި، އެމްޑީޕީގެ ޕީޖީ ގްރޫޕްގެ ޑެޕުއުޓީ ލީޑަރު ހެންވޭރު ދެކުނު ދާއިރާގެ މެމްބަރު ހުސެއިން ޝަހީމާއި ދެމެދު ހޫނު ޒުވާބުތަކެއް ކޮށްފިއެވެ.
ރައްޔިތުންގެ މަޖިލީހުގެ މެމްބަރުން ތިއްބަވަ ވަޓްސް އަޕް ގްރޫޕުގައި ރައީސް ނަޝީދާއި މެމްބަރު ހުސެއިން ޝަހީމްއާއި ދެމެދު ޒުވާބު ހޫނުވީ، ޗާގޯސް މައްސަލާގައި ރާއްޖެއިން ބައެއް ގެއްލިއްޖެނަމަ ރައީސް ނަޝީދު ވިދާޅުވެ އެކަމުގެ ޒިންމާ ވެރިން ނަގަންޖެހޭނެކަމަށް ވިދާޅުވެ ދެއްކެވި ވާހަތަކަށް ހުސެއިން ރައްދު ދެއްވުމުންނެވެ.
ރައީސް ނަޝީދުގެ ވާހަކަތަކައި ގުޅިގެން ހެންވޭރު ދެކުނު ދާއިރާގެ މެމްބަރު އަދި އެމްޑީޕީގެ ޑެޕިއުޓީ ޕީޖީ ލީޑަރު ހުސެއިން ޝަހީމް ވިދާޅުވީ ރާއްޖެއިން ބައެއް އުނިވެފައި ނުވާކަމަށެވެ. އަދި މިއީ ރައީސް ނަޝީދު ރައީސް ޞާލިހާއިމެދު އޮތް ޒާތީ ހަސަދައެއް ފިލުވާލުމަށް ދައްކާ ސިޔާސީ ވާހަކަތަކެއްކަމަށެވެ.
ހުސެއިންގެ ވާހަކަތަކާއި ގުޅިގެން ރައީސް ނަޝީދު ވިދާޅުވީ ހުސެއިން މިގޮތަށް ވާހަކަ ދައްކަވަނީ ކިހާވަރެއް ލިބިގެންތޯ ސުވާލު ކުރައްވާފައެވެ. ރައީސް ނަޝީދު ވަނީ ސަރުކާރުން ހުސެއިންއަށް ދީފައިވާ ދަރިފުޅުގެ ވަޒީފާއާއި އަޑީތެލުގެ އިތުރުން ލިބޭ މަންފާގެ ތަފްސީލަށް އެދިފައެވެ. އަދި މަހަކަށް ނާޖާއިޒު ގޮތުގައި ވަގު އިންވޮއިސްގައި ކިހާ ލެތެއް ނަގަންތޯ ނަޝީދު ވަނީ ސުވާލު ކުރައްވާފައެވެ.
އަޑީތެޔޮ ނުއަގުގައި ވިއްކާ ކޮންޓްރެކްޓަށް ރާއްޖެއިން ބައެއް ތިޔަދެއްވީ. އަޅުގަނޑަށް އަބަދުވެސް ދޭނީ ޤާނޫނުގައި އޮންނަ އެއްޗެއް. ވަގު ކޮންޓްރެކްޓަށް ނަންގަވަނީ ތިޔަބޭފުޅުން. ހުސެއިންގެ ކޮންޓްރެކްޓް ދައްކަވާ.
– ރައީސް ނަޝީދު ވިދާޅުވިއެވެ.
ނަޝީދުގެ ސުވާލާއި ގުޅިގެން ހުސެއިން ވިދާޅުވީ ރައީސް ނަޝީދަށް ލިބޭ ވަރަށްވުރެއް އަދިވެސް ލިބޭވަރު ކުޑަވާނެކަމަށެވެ. އޭނާ ވިދާޅުވީ މިހާރުވެސް ލިބޭ އެއްޗެއް ލިބެނީ ނަޝީދަށްވުރެ މަދުންކަމަށެވެ. ހުސެއިން ވަނީ ރައީސް ނަޝީދު ސްޓެލްކޯއަށް ބޮޑު އަގުގައި ސޯލާ ވިއްކާކަމުގެ ތުހުމަތުކުރައްވާފައެވެ.
ތެޔޮ ނުދީ ހުއްޓުވާފަ ވަނީ. ދިނީ ދިން އިރު އެމްޓީސީސީ 2،000 ރުފިޔާ ހެޔޮކޮށް. އަޅުގަނޑުގެ ހިއްސާ އޮންނަ އެއްވެސް ވިޔަފާރިއެއް އެއްވެސް ސަރުކާރަކާއިއެކު އެއްވެސް ކޮންޓްރެކްޓެއް ނުހަދަން. ނުވެސް ހަދާނަން. ރައީސް ބައްލަވާ ސްޓެލްކޯ އަށް ބޮޑު އަގުގަ ސޯލާ ކަރަންޓު ވިއްކޭތޯ. އަދި ކޮންޓްރެކްޓް ހެދޭތޯ.
– އަނދުން ހުސެއިން ވިދާޅުވިއެވެ.
މަޖިލީހުގެ ރައީސްގެ ވާހަކަތަކަށް އަބަދުވެސް އަނދުން ހުސެއިން ޖަވާބުދީ ޒުވާކޮށް ހަދައެވެ. އެމައްސަލާގައި ރައީސް ނަޝީދު ގެންދަވަނީ އަބަދުވެސް ހުސެއިނަށް ފާޑު ވިދާޅުވަމުންނެވެ.
One Response
ރައީސް ނަޝީދުއަތުން ސޯލާޕެނަލް ސްޓެލްކޯއަށް ގަންނަނީ ކީއްކުރަންތޯ ހުސެންކައިރީގައި އަހާލަން ބޭނުން. ސްޓެލްކޯއަކީ ސޯލިހުގެ ތެޔޮވިޔަފާރި މެންބަރުންނަށް ފައިދާވާގޮތަށް މެންބަރުންލައްވާ ތެލުގެވަގުވިޔަފާރި ކުރާތަނެއް. އެހެންވީމާ ސޯލާހަކަތަ ސްޓެލްކޯއަށްވިއްކުމަކީ މުޅިރާއްޖެއަށް ފައިދާވާ މެންބަރުންނަށްވާ ގެއްލުމެއް. މިކަމާއިހުރެ ހުސެން ނަޝީދުދެކެ ކޯފާވިޔަސް ކުރާނެކަމެއްނެތް.