މ. މަޑުއްވަރީ ބަނދަރު ތަރައްޤީ ކުރުމަށް ކުރިއަށް ގެންދާ މަޝްރޫޢުގެ ޢަމަލީ މަސައްކަތް މިއަދު ފަށައިފިއެވެ.
މިމަސައްކަތް ކުރިއަށްގެންދާ އެމްޓީސީސީން ބުނީ މަޝްރޫއުގެ އަމަލީ މަސައްކަތުގެތެރެއިން މިހާރު ކުރިއަށްދަނީ ނެރަށް ވަދެވެން އޮންނަ ސަރަހައްދު ފުންކުރުމުގެ މަސައްކަތް ކަމަށެވެ.
މި މަޝްރޫޢުގެ ދަށުން މ.މަޑުއްވަރީގައި 38,800 އަކަމީޓަރުގެ ސަރަޙައްދެއް ބަނދަރުގެ ގޮތުގައި ފުންކުރާނެއެވެ. އަދި 54,093 އަކަމީޓަރުގެ ސަރަޙައްދެއް ނެރުގެގޮތުގައި ފުންކުރާނެއެވެ.
މ. މަޑުއްވަރީ ބަނދަރު ތަރައްޤީ ކުރުމުގެ މަޝްރޫޢުގެ އަމަލީ މަސައްކަތް 14 މެއި 2023 ވަނަ ދުވަހު ފެށިއްޖެ. މިހާރު ކުރިއަށްދަނީ ނެރަށް ވަދެވެން އޮންނަ ދިމާ ފުންކުރުމުގެ މަސައްކަތް.#MTCCProjects #RayyithungeKunfuni pic.twitter.com/AJLmWlsKWH
— MTCC Plc (@MTCCPlc) May 14, 2023
އަދި 18،578.60 އަކަމީޓަރުގެ އިތުރު ސަަރަހައްދެއް ފުންކުރުމާއި، 111,471 އަކަމީޓަރުގެ ސަރަޙައްދެއްގެ ބިން ހިއްކުމަށްވެސް ހަމަޖެހިފައިވެއެވެ.
މިއީ 48.19 މިލިޔަން ރުފިޔާގެ މަޝްރޫއެކެވެ.
