ޑައިރެކްޓަރު ހަންސަލް މެހެތާގެ ވެބް ސީރިޒް "ސްކޫޕް" ޕްރިމިއާ ކުރާ ދުވސް އިއުލާން ކޮށްފިއެވެ. މި ވެބް ސީރީޒް ޕްރިމިއާ ކުރަނީ ކުރިއަށް އޮތް ޖޫން މަހުގެ 2 ވަނަ ދުވަހު ސްޓްރީމިން ޕްލެޓްފޯމް ނެޓްފްލިކްސް އިންނެވެ.
ޖިގްނާ ވޯރާގެ ބައޮގްރަފިކަލް ފޮތް "ބިހައިންޑް ދަ ބާސް އިން ބައިކުލާ: މައި ޑޭސް އިން ޕްރިޒަން" އިން އިންސްޕަޔާވެގެން ގެނެސްދޭ މި ޑްރާމާ އަކީ މެހެތާ އާއި މަރުންމައީ ލަގޫ ވައިކުލް ("ތައްޕަޑް" ގެ ލިޔުންތެރިޔާ) ގުޅިގެން އުފައްދާފައިވާ އެއްޗެކެވެ.
ޓިވީ ސިލްސިލާ ޑްރާމާ "ކިއުންކީ ސާސް ބީ ކަބީ ބަހޫ ތީ" އާއި ރާޖްކުމާރު ހިރާނީގެ ފިލްމު "ސަންޖޫ" އިން މަޝްހޫރުވެފައިވާ ކަރިޝްމާ ތާންނާ މީގެ ލީޑުން ފެނިގެންދާއިރުގައި މި ވެބް ސީރީޒް އަކީ ކްރައިމް ޖާނަލިސްޓް ޖަގްރުތީ ޕަތަކްގެ ވާހަކަ ކިޔައިދޭ އެއްޗެކވެ.
މި ސީރީޒްގެ ކާސްޓުންގެ ތެރޭގައި މުހައްމަދު ޒީޝާން އައްޔޫބު، ހަރްމަން ބަވޭޖާ އަދި ޕްރޮސެންޖީތު ޗެޓަޖީ ހިމެނެ އެވެ. މި ވެބް ސީރިޒް އަކީ މެޗްބޮކްސް ޝޮޓްސް، ސަރިތާ ޕަޓިލް އަދި ދިކްޝާ ޖިޔޯޓޭ ރައުތުރޭ ޕްރޮޑިއުސްކުރާ ފިލްމެކެވެ.
