މިސަރުކާރުގެ ފާއިތުވެދިޔަ ހަތަރު އަހަރުގެ ތެރޭގައި މިސަރުކާރުން ޔޫތު މިނިސްޓަރ އަހުމަދު މަހުލޫފަށް ޖެއްސި ހާލާއިމެދު ހަމްދަރުދީ ވާކަމުގައި ރައްޔިތުންގެ މަޖިލީހުގެ މަހިބަދޫޫ ދާއިރާގެ މެމްބަރު އަހުމަދު ތޯރިގު ވިދާޅުވެއްޖެއެވެ.
އޭނާ މިހެން ވިދާޅުވީ ޗާގޯސް މައްސަލައިިގައި ސަރުކާރަށް ލިބުނު ބޮޑު ކާމިޔާބީގައި ބަންޑާރަނައިބް އިބްރާހިމް ރިއްފަތުގެ ކަރުގައި އަޅުވަންވީ މާފައްޗެއް ކަމުގައި މަހުލޫފް ވިދާޅުވުމުންނެވެ. މަޖިލީހުގައި ހިމެނޭ ސަރުކާރާއި އިދިކޮޅު މެމްބަރުން ބަންޑާރަ ނައިބް އިބްރާހިމް ރިއްފަތުގެ އިތުބާރު ނެތްކަމުގެ މައްސަލަ މަޖިލީހަށް ދެއްދުމާއި ގުޅިގެން ސަރުކާރުގައި ހިމެނޭ އިސްބޭފުޅުންގެ ފާޑުކިޔުން ވަނީ އިދިކޮޅު ފަރާތްތަކަށް އަމާޒުވެފައެވެ.
މިމައްސަލަގައި މަހުލޫފް ވިދާޅުވީ މިމައްސަލާގައި ރާއްޖެއަށް ލިބުނީ ބޮޑު ކާމިޔާބީއެއް ކަމަށެވެ. މިމައްސަލާގައި ސަރުކާރުން ކުރި މަސައްކަތުގެ އެންމެ ބޮޑު ދައުރެއް އަދާކުރީ ރިއްފަތުކަން ފާހަގަކޮށް މަހުލޫފްވަނީ އޭނާގެ ކަރުގައި މާފައްޗެއް އަޅުވަންޖެހޭކަމަށް ވިދާޅުވެފައެވެ.
މަހުލޫފެގެ ވާހަތަކާއި ގުޅިގެން އޭނާއާއިއެކު ނިމިދިޔަ 18 ވަނަ މަޖިލީހުގެ މެމްބަރެއްގެ ގޮތުގައިވެސް ހަރަކާތްތެރިވި ތޯރިގު ވިދާޅުވީ މިސަރުކާރުން މިނިސްޓަރ މަހުލޫފް ވަޒީރުކަމުގައި ބަހައްޓައިގެން ޖެއްސި ހާލާމައިމެދު ހަމްދަރުދީ ވާކަމަށެވެ.
މިނިސްޓަރު މަހްލޫފުއެވެ. ރައްޔިތުންގެ މަޖިލީހުގެ ކަންކަން ނިންމާނީ މަޖިލީހުންނެވެ. ރިފްއަތުގެ އިތުބާރުނެތް މައްސަލައާ އެހާ ބޮޑަށް ނޫޅުއްވާށެވެ. މަނިކުފާނަށް ފާއިތުވެދިޔަ 4 އަހަރު ސަރުކާރުން ޖައްސާފައިވާ ހާލާމެދުގައި އެކުގައި އުޅުނު މެންބަރެއްގެ ހައިސިއްޔަތުން ހަމްދަރުވީވަމެވެ.
– ޓޮމް ވިދާޅުވިއެވެ.
ޓޮމް މިހެން ވިދާޅުވީ އެމްއެމްޕީއާރްސީގެ ޚިޔާނާތުގެ ދައުވާ މިސަރުކާރުން ކޯޓަށް ހުށަހަޅައި، 2 ފަހަރެއްގެ މަތީން މަހުލޫފް މަޤާމުން ސަސްޕެންޑްކޮށް، ކޯޓަށް ހާޒިރުވުމަށް އަންގައި ހިންގި ކަންކަމާއި ގުޅިގެންކަމަށް ބެލެވެއެވެ. މަހްލޫފްގެ މައްޗަށް ރިޝްވަތު ހިފުމުގެ ދައުވާކުރީ އޭނާ ރައްޔިތުންގެ މަޖިލީހުގެ މެމްބަރަކަށް ހުންނެވިއިރު، އެސްއީޒެޑް ބިލަށް ވޯޓުު ދިނުމަށްޓަކައި 33،000 ޑޮލަރު ކުރީގެ ނައިބު ރައީސް އަހުމަދު އަދީބުގެ އަތުން ނެންގެވި ކަމަށް ބުނެއެވެ.
33,000.00 އެމެރިކާ ޑޮލަރަކީ، ޑޮލަރު ގަނެވިއްކުމުގެ އަދި ސައްހަ މުއާމަލާތެއްކަން ދެއްކުމަށް އޭސީސީ އަށް ހުށަހަޅާފައިވާ "ޕޭމަންޓް ރިސީވްޑް" ލިޔުމާއި، އެ ޑޮލަރަށްވާ ދިވެހި ފައިސާ ނަގުދު ފައިސާއިން އެސްއޯއެފް އާ ހަވާލުކޮށްފައިވާނެ ކަމަށް، މަހުލޫފް އޭސީސީ އަށް ފޮނުވާފައިވާ ސިޓީއާއި، ދީފައިވާ ބަޔާނަކީ، ކަން ހިނގާފައިވާ ގޮތް އޮޅުވާލުމަށް ދީފައިވާ ބަޔާނެއްކަން ތަހުގީގަށް ފާހަގަކުރެވިފައިވާ ކަމަށެވެ.
ނަމަވެސް މިމައްސަލަ ކޯޓަށް ހުށަހަޅައި، ދައުވާ ކުރުމަށްފަހު މިހާރު ޕީޖީ އޮފީހުން ވަނީ މައްސަލަ އަބުރާ ގެންދަވާފައެވެ.
