މިއީ ރައީސް ސާލިހު މާގާމުން އަޒުލްކޮށް އަވަސް އިންތިޚާބަކަށް ދާންވީ ވަގުތު ކަމުގައި އެމްއެންޕީގެ ރައީސް ކާނަލް ނާޒިމް ވިދާޅުވެއްޖެއެވެ.
އެމްއެންޕީން ރޭ ބޭއްވި ހަރުގެ ޖަލްސާގައި ވާހަކަ ދައްކަވަމުން ނާޒިމް ވިދާޅުވީ ރާއްޖޭގެ ކަނޑުން ބައެއް ދޫކޮށްލުމަކީ ރައީސުލްޖުމްހޫރިއްޔާ އަޒުލްކުރަންޖެހޭވަރުގެ މައްސަލައެއް ކަމަށާއި، މަޖިލިސް ތެރެއިން ރައީސް ސާލިހުވެސް ހިމެނޭގޮތުން ފޮރިން މިނިސްޓަރ ޝާހިދުއާއި ބަންޑާރަނައިބު އިބުރާހިމް ރިއްފަތު މަގާމުން ދުރުކުރުމުގެ މަސައްކަތް ކުރައްވާނޭ ކަމުގައެވެ.
ރައީސުލްޖުމްހޫރިއްޔާ މި ކުރެއްވި ކަމަކީ ހަގީގަތުގައި ރައީސުލްޖުމްހޫރިއްޔާ މަގާމުން އަޒުލްކުރަން ޖެހޭވަރުގެ ނުރައްކާތެރި ކަމެއް ކަމުގައި އަޅުގަނޑުމެން ފާހަގަ ކުރަން. އަޅުގަނޑުމެން މަސައްކަތް ކުރަމުން ދަނީ މަޖިލީހުގެ ތެރެއިން މިކަމުގައި ބައިވެރިވި ދެ މިނިސްޓަރުން، އެއީ މިނިސްޓަރު ޝާހިދާއި ބަންޑާރަ ނާއިބު އިބްރާހިމް ރިއްފަތު އަދި ރައީސުލްޖުމްހޫރިއްޔާ އަޒުލްކުރުމަށްޓަކާ އަޅުގަނޑުމެން މަސައްކަތް ކުރާނެ ވާހަކަ ދަންނަވަން.
ރޭގެ ހަރުގެ ޖަލްސާގައި ވާހަކަ ދައްކަވަމުން ކާނަލް ނާޒިމް ވިދާޅުވިއެވެ.
މި ބައްދަލުވުމުގައި އިތުރަށް ވާހަކަ ދައްކަވަމުން ނާޒިމް ވިދާޅުވީ އިޓްލޮސްއިން ނިންމި ނިންމުމާއެކު ރާއްޖޭގެ ކަނޑުގެ ސަރަހައްދުން 44،000 ކިލޯމީޓަރ ގެއްލިގެން ދިއުމަކީ އާދައިގެން ކަމެއް ނޫންކަމުގައެވެ. އަދި އޭނާ ވިދާޅުވީ މި ނިންމުމުގެ ސަބަބުން ދިވެހިން ބިކަވެ ނިކަމެތި ވެފައިވާކަމަށާއި، މިމައްސަލާގައި ސަރުކާރު ޒިންމާދާރުވުމަށް ކުރާންޖެހޭ ހުރިހާ މަސައްކަތެއް އެމްއެންޕީން ކުރަމުންދާނެ ކަމުގައެވެ.
އަޅުގަނޑުމެން މިކުރާ މަސައްކަތުގައި ބައިވެރިވެ ރައީސުލްޖުމްހޫރިއްޔާ މި ގައުމުގެ މިހާރު މިހުރި މަގާމުން ވަކިކުރައްވާ އަވަސް އިންތިހާބަކާ ހަމައަށް މިއަދު ދާންޖެހޭ ވާހަކަ ދަންނަވަން.
ނާޒިމް ވިދާޅުވިއެވެ.
ނާޒިމް އިތުރަށް ވިދާޅުވީ މަޖިލިސްތެރެއިން ވަޒީރުންނާއި ރައީސުލްޖުމުހޫރިއްޔާ މަގާމުން އަޒުލްކުރަން ބޭނުންވާވަރަށް ވޯޓު ނުލިބިދާނެކަމަށާއި، އެހެންނަމަވެސް ގައުމަށް ހެޔޮއެދޭ މެމްބަރުން މަޖިލިހުގައި ތިބިނަމަ ތިބެންޖެހޭ އިޓްލޮސްގެ ނިންމުމާއި ދެކޮޅަށް މަސައްކަތްކުރާ ފަރާތްތަކާއެކު ކަމަށެވެ.
ބައިނަލްއަގުވާމީ ގޮތުން ޗާގޮސްއަކީ މޮރިޝަސްގެ ބައެެއްގެ ގޮތުގައި ކަނޑައެޅިގެން ދިއުމަށްފަހު ރާއްޖެއާއި މޮރިޝަސްގެ ކަނޑުގެ ސަރަހައްދުން ފުށުއަރާ ސަރަހައްދާމެދު ބައިނަލްއަގުވާމީ ކޯޓު، އިޓްލޮސްއިން ފައިސަލާކުރަނިވި ހުކުމެއް އިއްވުމާއެކު އިދިކޮޅު ފަރާތްތަކުން ބުނަމުންދަނީ މި ސަރުކާރުން ރާއްޖޭގެ ކަނޑުން ބައެއް ވިއްކާލާފައިވާ ކަމުގައެވެ.
އެހެންނަމަވެސް، ޗާގޮސްއަކީ ރާއްޖޭގެ ބައެއްގެ ގޮތުގައި ބަލައި ނުގަނެވި، ޗާގޮސް ހިމެނޭކަނޑުގެ މުޅި ސަރަހައްދު ރާއްޖެއަށް ލިބިގެންދާނެ ގޮތެއް އިދިކޮޅު ފަރާތްތަކުން ސާފުކޮށްދީފައެއް ނުވެއެވެ.
3 Responses
އެމީހުން ކުރި ހުވާއާއި ދެކޮޅަށް އެބޭފުޅުން މިހާތަނަށް މަސައްކަތް ކުރައްވަމުން އެގެންދެވި. އަމިއްލައށް އިސްތިއުފާ ދެއްވީމަ އެންމެ ރަނގަޅު ވާނީ
ދިވެހި ރާއްޖެއަށް އަވަހަށް ބަދަލުގެންނަން ބޭނުންވާނަމަ އެބޭފުޅުން އަވަށް އިސްތިއުފާ ދެއްވަން ޖެހޭ.
މިސަރުކާރުގެ އަގު މުޅިން ވެއްޓިއްޖެ.
ގައުމާއި ރައްޔިތުންނަށް އެންމެ ރަނގަޅީ އެބޭފުޅުން އިސްތިއުފާ ދެއްވިއްޔާ.