ރާއްޖެއާއި ސަރބިއާއާއި ދެމެދު ސީދާ ވައިގެ ދަތުރުފަތުރުކުރުމާއި، އިޤްތިޞާދާއި، ޑިޕްލޮމެޓިކް ތަޢުލީމީ ދާއިރާ ހިމެނޭހެން މުހިންމު 4 ދާއިރާއަކުން އެއްބަސްވުމުގައި ސޮއިކޮށްފިއެވެ.
ރާއްޖެއާއި ސަރބިއާ ދެމެދު ސޮއިކުރެއްވި އެއްބަސްވުންތައް:
1- އިޤްތިޞާދީ އަދި ވިޔަފާރީގެ ދާއިރާއިން އެއްބާރުލުން އިތުރުކުރުމުގެ އެއްބަސްވުން
2- ވައިގެ ޚިދުމަތުގެ ދާއިރާއިން ގުޅުން ބަދަހިކުރުމުގެ އެއްބަސްވުން
3- ކުޅިވަރުގެ ދާއިރާއިން ދެޤައުމުގެ ދެމެދު ގުޅުން ޤާއިމްކުރުމުގެ އެއްބަސްވުން
4- ޑިޕްލޮމެޓިކް ތަޢުލީމުގެ ރޮނގުން ގުޅުން ބަދަހިކުރުމުގެ އެއްބަސްވުން
ރާއްޖެއިން ސާބިއާއާއެކު ވި އެއްބަސްވުންތަކުގައި ސޮއިކުރެއްވީ ފޮރިން މިނިސްޓަރު ޝާހިދު މިހާރު އެ ގައުމަށް ކުރައްވާ ރަސްމީ ދަތުރުފުޅުގައެވެ.
އެއްބަސްތުަތާއި ގުޅިގެން މިނިސްޓަރު ޝާހިދު ކުރެއްވި ޓްވީޓެއްގައި ވިދާޅުވީ ދިވެހިރާއްޖެ އާއި ސާބިއާއާ ދެމެދު ކުރެވުނު ވައިގެ ހިދުމަތުގެ އެއްބަސްވުމުގެ ސަބަބުން ދެ ގައުމުގެ ދެމެދުގައި ސީދާ ވައިގެ ދަތުރުފަތުރުކުރުމަށް މަގުފަހިވެ، ރާއްޖޭގެ ފަތުރުވެރިކަމުގެ ސިނާއަތަށް އިތުރު ކުރިއެރުމެއް ލިބިގެންދާނެކަމަށެވެ.
ފޮރިން މިނިސްޓަރ ސަރބިއާއަށް ކުރައްވަމުން ގެންދަވާ ދަތުރުފުޅުގައި ވަނީ ސާރބިއާގެ ފޮރިން މިނިސްޓަރ އިވިކާ ޑާޗިޗް އައިވެސް ބައްދަލުކުރައްވާ ދެޤައުމުގެ ދެމެދު ރަސްމީ މަޝްވަރާތައް ބާއްވަވާފައެވެ.
The Agreement on trade, investment and economic cooperation signed between Maldives and Serbia today, increases Maldives’ economic security and provides access to new markets for Maldivian exports and for increased investment from Serbia in the Maldives! pic.twitter.com/dhBw1uFACR
— Abdulla Shahid (@abdulla_shahid) May 9, 2023
އެ މަޝްވަރާތަކާއި ގުޅޭގޮތުން ފޮރިން މިނިސްޓަރ ޝާހިދު ވިދާޅުވީ، އިންސާނީ ވަޞީލަތް ތަރައްޤީކުރުމަށާއި، ކުޅިވަރުގެ ދާއިރާއިން އެއްބާރުލުން އިތުރުކުރުމާއި، ވިޔަފާރީގެ ގުޅުންތައް ހަރުދަނާކުރުމާއި ފަތުރުވެރިކަން ކުރިއެރުވުމާ ގުޅޭގޮތުން މަޝްވަރާކުރެއްވިކަމަށެވެ. އަދި ބައިނަލްއަޤްވާމީ މަސްރަހުގައި އެއްބާރުލުން އިތުރުކުރުމާ ގުޅޭގޮތުންވެސް މަޝްވަރާކުރެއްވިކަމަށް މިނިސްޓަރ ވިދާޅުވިއެވެ. އަދި މި ދަތުރުފުޅުގެ ސަބަބުން ރާއްޖެއާއި ސާރބިއާއާއި ދެމެދު އޮތް ގުޅުން އިތުރަށް ބަދަހިވެގެންދާނެކަމަށް ޔަގީންކުރައްވާކަމަށްވެސް މިނިސްޓަރ ވިދާޅުވިއެވެ.
