އދ. ދިއްދޫ ކައުންސިލް މެންބަރަކު އިންތިޚާބު ކުރުމަށް ބާއްވާ ބައި-އިލެކްޝަންގެ ވޯޓުލުން ފަށައިފިއެވެ.
އެ ކައުންސިލަށް މެންބަރަކު އިންތިޚާބުކުރަނީ ކުރިން އެކައުންސިލުގައި ހުރި މެންބަރަކު އިސްތިއުފާ ދެއްވުމާއި ގުޅިގެންނެވެ. މި އިންތިހާބުގައި ވާދަ ކުރަނީ އަމިއްލަ ގޮތުން ވާދަ ކުރާ ކެންޑިޑޭޓު ރަޝީދާ އާދަމް އާއި މޯލްޑިވްސް ނެޝަނަލް ޕާޓީ (އެމްއެންޕީ) ގެ ކެންޑިޑޭޓު އަނީސް މުހައްމަދެވެ.
އިލެކްޝަންސް ކޮމިޝަނުން ބުނީ މިއަދު ކުރިޔަށްދާ މި އިންތިޚާބުގައި ދިއްދޫގެ އިތުރުން މާލޭގައި ވެސް ވޯޓު ފޮއްޓެއް ބަހައްޓާފައިވާ ކަމަށެވެ.
އީސީން އާންމުކޮށްފައިވާ މައުލޫމާތުތަކަށް ބަލާއިރު މިހާތަނަށް ވޯޓުލާފައިވަނީ އެންމެ 27 މީހުންނެވެ. އެއީ 17 ފިރިހެނުންނާއި 10 އަންހެނުންނެވެ. މި އިންތިޚާބުގައި ޖުމްލަ 147 މީހަކަށް ވޯޓުލުމުގެ ހައްގު ލިބިގެންވެއެވެ.
އދ. ދިއްދޫ ކައުންސިލް މެންބަރު އިންތިޚާބު ކުރުމަށް ބާއްވާ ބައި-އިލެކްޝަންގެ ތެރެއިން ދަރުބާރުގެ، ބިއްލޫރި މާލަމުގައި ޤާއިމްކޮށްފައިވާ ވޯޓުލާ މަރުކަޒުގެ ވޯޓުލުން ފެށިގެން ކުރިއަށްދަނީ pic.twitter.com/0g1mIfH2LJ
— Elections Commission (@ElectionsMv) May 6, 2023
މި އިންތިހާބުގެ ވޯޓުލުން ފެށީ މިއަދު ހެނދުނު 9:00 ޖެހިއިރުއެވެ. މިއަދު ހަވީރު 4:00ގެ ނިޔަލަށް ވޯޓުލުން ކުރިއަށް ދާނެއެވެ.
