ހޯމް މިނިސްޓަރ އިމްރާނަކީ ފުލުހުންގެ ތަރައްޤީއަށް އެއްވެސް ކަމެއް ކޮށް ނުދެވުނު، މިހާތަނަށް ހޯމް މިނިސްޓަރު ކަމާއި ހަވާލުވި އެންމެ ނާޤާބިލް ވަޒީރުކަމުގައި ކުރީގެ ކޮމިޝަނާ އޮފް ޕޮލިސް (ރިޓަޔާޑް) ރިޔާޒް ވިދާޅުވެއްޖެއެވެ.
ރިޔާޒު މިހެން ވިދާޅުވީ ފުލުހުންގެ ޚިދުމަތަށް 90 އަހަރު ފުރުމާއި ގުޅިގެން ބޭއްވި ހަފްލާގައި އިމްރާން ދެއްކެވި ވާހަތަކާއި ގުޅިގެން އިމްރާނަށް ފާޑުވިދާޅުވެ ކުރެއްވި ޓުވީޓެއްގައެވެ. އިމްރާން ވިދާޅުވީ، މި ވޭތުވެދިޔަ ހަތަރު އަހަރާއި ފަސް މަހުގެ ތެރޭގައި އެކި ރަށްރަށަށް ދަތުރުކޮށް ފުލުހުންނާއި ބައްދަލު ކުރެވޭއިރު، ފުލުހުންގެ ދިރިއުޅުމުގެ ހާލަތަށް ބަލައިލުމުން އަސަރު ކުރާ ކަމަށެވެ.
މިދަތުރު ތަކުން ސާފުވި ކަމަކީ ޖަލުގައި ހާލަތު ރަނގަޅުކޮށް ތިބޭ ގައިދީންނަށް ވުރެ އަތޮޅު ތެރޭގެ ފުލުހުން ނިދައި ކައިބޮއި ހަދަން ޖެހޭ ތަނުގެ ހާލު ބޮޑު ކަމަށެވެ.
އިމްރާންގެ ވާހަތަކާއި ގުޅިގެން ކުރީގެ ސީޕީކަން ކުރެއްވި ރިޔާޒު ވިދާޅުވީ އަމިއްލަފުޅަށް ވެލެއްވި އިއުތިރާފުން ދިވެހި ފުލުހުންނަށް އިމްރާންގެ ވަޒީރުކަމުގައި އެއްވެސް ކަމެއް ކުރެވިފައި ނުވާކަން ހާމަވާކަމަށެވެ. އަދި މިހާތަނަށް ހޯމް މިނިސްޓަރުކަމާއި ހަވާލުވެ ވަޑައިގެންވި ބޭފުޅުންގެ ތެރެއިން އިމްރާނަކީ ފުލުނުންގެ ޚިދުމަތުގެ ތަރައްޤީއަށް އެއްވެސް ކަމެއް ނުދެވުނު އެންމެ ނާޤާބިލް ވަޒީރުކަމަށް ރިޔާޒު ވިދާޅުވިއެވެ.
ތިޔަހެން ވިދާޅުވާން ލަދެއްނުގަނޭތޯ؟ ތިޔަ ހާލަތު ބަދަލު ކުރުމަށް މަނިކުފާނު ކުރެއްވި އެއްކަމެއްވެސްނެތް. 5 އަހަރު ތިޔަ ނިންމަވާލައްވަނީ ފުލުހުންގެ ތަރައްޤީއަށް އެއްކަމެއްވެސް ކޮށްނުދެވުނު އަދި މިހާތަނަށް ދިވެހި ފުލުހުންނަށް ލިބުނު އެންމެ ނާޤާބިލް ހޯމް މިނިސްޓަރުގެ ލަގަބާއެކު!
– ރިޔާޒު ވިދާޅުވިއެވެ.
އިމްރާންގެ ވާހަތަކާއި ގުޅިގެން ގިނަ ބައެއްގެ ފާޑުކިޔުން އިމްރާނަށް ވަނީ އަމާޒުވެފައެވެ. ވެރިކަމުގެ ފަސް އަހަރުގެ ދައުރެއްލިބި ފުލުހުންގެ ޚިދުމަތުގެ ތަރައްޤީއަށް އެންމެ އެކަށީގެންވާ މަސައްކަތްތައް ނުކުރެވޭތީ ގިނަ ބައެއްގެ ފާޑުކިޔުން ވަނީ އިމްރާނަށް އަމާޒުވެފައެވެ.
One Response
މިނިސްޓަރ ޢިމްރާން އަކީ އަޅުގަޑު ވަރަށް ތާއީދުކުރާ ބޭފުޅެއް ހިތްހެޔޮ އިޚްލާޞްތެރި ހިންގުންތެރި ބެޔފުޅެއް.