މާދަމާ ހެނދުނު ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ޤައުމާ މުޚާޠަބުކުރައްވަން ނިންމަވައިފިއެވެ.
ރައީސުލްޖުމްހޫރިއްޔާގެ އޮފީހުގެ ތަރުޖަމާނު މިއުވާން މުޙައްމަދު ކުރެއްވި ޓްވިޓެއްގައި ވިދާޅުވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް އެމަނިކުފާނު ޚާއްސަ މެސެޖެއް މާދަމާ ޤައުމާ މުޚާޠަބުކުރައްވައި ދެއްވަން ހަމަޖެހިފައިވާކަމަށެވެ. މި މެސެޖު ރާއްޖޭގެ ޤައުމީ ޓީވީ (ޓީވީ މޯލްޑިވްސް)އިން ވަގުތުން ދުރަށްދައްކާނެކަމަށް މައުވާން ވިދާޅުވެފައިވެއެވެ. އަދި ރައީސުލްޖުމްހޫރިއްޔާގެ އޮފީހުގެ ސޯޝަލްމީޑިއާ ޕްލެޓްފޯމްތަކުންވެސް މިމެސެޖު ސްޓްރީމްކުރާނެކަމަށް މިއުވާން ވިދާޅުވިއެވެ.
President @ibusolih will deliver a special message to the nation tomorrow, April 30, 2023, in the morning. The address will be broadcast live on national TV and the official social media channels of the Presidency.
— Miuvaan Mohamed (@MvSpokesperson) April 29, 2023
ރައިސުލްޖުމްހޫރިއްޔާ ޤައުމާ މުޚާޠަބުކުރައްވަން ހަމަޖެހިފައިވަނީ މާދަމާ ހެނދުނު 10:00ގައެވެ.
އެހެންނަމަވެސް އެމަނިކުފާނު ޤައުމާ މުޚާޠަބުކުރައްވަނީ ކޮންކަމަކާ ގުޅޭގޮތުންކަމެއް މިއުވާން ވިދާޅެއް ނުވެއެވެ.
ނަމަވެސް މިދުވަސްވަރު އެންމެ ބޮޑު ޕްރެޝަރެއް ސަރުކާރަށް ކުރިމަތިވެފައިވަނީ ޗާގޯސް މައްސަލާގައި ސަރުކާރުން އަމަލުކުރި ގޮތާއި ގުޅޭގޮތުން އުފެދިފައިވާ ސުވާލުތަކެވެ.
ޗާގޯސް މައްސަލާގައި ދިވެހި ކަނޑުން ބައެއް ގެއްލިފައިވާއިރު އެކަމުގައި ސަރުކާރުން އަމަލުކޮށްފައިވަނީ ޤާނޫނީ އިމުން ބޭރުންކަމަށް ބައެއް ފަރާތްތަކުން ދަނީ ބުނަމުންނެވެ. ނަމަވެސް ސަރުކާރުން ބުނަމުންދަނީ ކަނޑުގެ އިން ކަނޑައެޅިގެން ދިއުމަކީ ލިބުނު ބޮޑު ކާމިޔާބީއެއްކަމަށެވެ.
