ރައްޔިތުންގެ އުއްމީދުތައް ހަގީގަތަކަށް ހަދައި ދޭނީ ޖޭޕީންކަމަށް އެ ޕާޓީގެ ލީޑަރުގެ އެޑްވައިޒަރ އަބުދުﷲ ނަވާޒު ވިދާޅުވެއްޖެއެވެ.
މިއަދު ކުރެއްވި ޓުވީޓެއްގައި ނަވާޒު ވިދާޅުވެފައިވަނީ މިއަދުވެސް ގިނައަދަދެއްގެ ބަޔަކު ޖުމުހޫރީ ޕާޓީގެ ލަޝްކަރާއި ގުޅިވަޑައިގަންނަވާނެ ކަމަށާއި، ރާއްޖޭގެ އެކި ކަންކޮޅުތަކުގައި ޖުމުހޫރީ ޕާޓީއާއި ގުޅުމުގެ ރޫހާއި ފޯރި ދަނީ އިތުރުވަމުން ކަމުގައެވެ.
މިއަދުވެސް ގިނައަދަދެއްގެ ބަޔަކު ޖުމުހޫރީ ޕާޓީގެލަޝްކަރާއި ގުޅިވަޑައިގަންނަވާނެ. ރާއްޖޭގެ އެކިކަންކޮޅުތަކުގައި ޖުމުހޫރީޕާޓީއާއި ގުޅުމުގެ ރޫހާއި ފޯރިދަނީ އިތުރުވަމުން. ރައްޔިތުންގެ އުއްމީދުތައް ހަގީގަތަށްހަދައިދޭނީ ޖުމުހޫރި ޕާޓީ. މީ@qasimibrahim ގެ ފަހަރު. pic.twitter.com/4XGyD1Uiss
— Abdullanawaz (@abdullanawa) April 23, 2023
ޖުމުހުރީ ޕާޓީން ރައްޔިތުންގެ އުއްމީދުތައް ހަގީގަތަކަށް ހަދައިދޭނަކަމަށް ނަވާޒު ވިދާޅުވެފައިވާއިރު، ޖުމުހޫރީ ޕާޓީގެ ފަރާތުން އެ ޕާޓީގެ ލީޑަރު ގާސިމް އިބުރާހިމްވަނީ ކުރިޔަށް އޮތް ރިޔާސީ އިންތިޚާބުގައި ވާދަކުރުމަށް ނިންމާފައެވެ. އަދި ގާސިމް ވަނީ ރިޔާސީ އިންތިޚާބުގައި ވާދަކުރުމަށްޓަކާ އެމްޑީޕީގެ ރަޝީދުގެ ފިކުރެއްގެ ދިރުން ސިޔާސީ ހަރަކާތާ ކޯލިޝަން ހެދުމަށްވެސް ނިންމާފައެވެ.
ހަމަ އެއާއެކު، ޖުމުހޫރީ ޕާޓީން ރިޔާސީ އިންތިޚާބުގައި ވާދަ ކުރުމަށް ނިންމުމާއެކު، ގިނަ އަދަދެއްގެ ޒުވާން އެޕާޓީއާއި ގުޅެމުންދާކަަވެސް ފާހަގަ ކުރެވެއެވެ.
މިގޮތުން އެމްޑީޕީގެ ސްލޮޓްގައި މާލެ ސިޓީ ކައުންސިލު މެމްބަރުކަން ކުރެއްވި އައިމަން އިސްމާއިލް އެމްޑީޕީން ވަކިވެ ޖުމްހޫރީ ޕާޓީއާއި ފާއިތުވި ހަފްތާގައި ގުޅިފައިވާއިރު، ހަމަ އެހަފްތާގައި ލ. ގަމު ދާއިރާއިން ގިނަ އަދަދެއްގެ ޒުވާނުންތަކެއް ވަނީ ޖުމުހޫރީ ޕާޓީއަށް ސޮއި ކޮށްފައެވެ. އަދި އޭގެ ކުރީ ހަފްތާގައި ގިނަ އަދަދެއްގެ އަންހެން ބޭފުޅުންތަކެެއް ޖުމުހޫރީ ޕާޓީއަށް ސޮއި ކޮށްފައި ވެއެވެ.
