ޖުމުހޫރީ ޕާޓީގެ ލީޑަރު ގާސިމް އިބުރާހިމްއަކީ ގައުމުގެ ސަލާމަތާއި އިސްތިގުލާލު ނީމަލަށް ނާލެ މީހެއް ނޫން ކަމުގައި، ޖުމުހޫރީ ޕާޓީގެ ލީޑަރުގެ އެޑްވައިޒަރު އަބުދުﷲ ނަވާޒު ވިދާޅުވެއްޖެއެވެ.
ނަވާޒު މިހެން ވިދާޅުވީ، ކުރިން ސިފައިންގޭގައި ކާނަލެއްގެ މަޤާމުގައި ހުންނެވި އަހްމަދު ފަޔާޒް އަލީ (ޕާޕާ) ގާސިމް އިބުރާހިމަށް ފާޑު ވިދާޅުވެ ދެއްވި ވާހަކަތަކަށް ރައްދު ދެއްވަމުންނެވެ.
ނަވާޒު ކުރެއްވި ޓުވީޓުގައި ވިދާޅުވެފައިވަނީ ޕާޕާއަށް ގާސިމް އިބުރާހިމްގެ އަބުރު ކަތިލުމަށް ދެއްކޭނެ ވާހަކައެއް ނޯންނާނެ ކަމަށާއި، ގާސިމް އިބުރާހިމްއަކީ ޓެކުހަށް ފިލައިގެން އުޅޭނެ، އަދި "ގައުމުގެ ސަލާމަތާއި އިސްތިގުލާލު އޮކްޝަންގެ މަރުތޭލުގެ ދަށަށް ލާނެ މީހެއް ނޫން" ކަމުގައެވެ.
PapaAkah @qasimibrahim ge aburukathilumakah dhehkeyne vaahakaeh nei.Leaderakee taxah filaigen ulheyne,adhi gaumuge salaamathaai isthiglaal auctionge marutheyluge dhashah laanemeehehnoon. Thiyabeyfulhaa ah thumathu kuri Maa serious massla ebahuri.Evaahaka dhekvun maarangalhuvaane. pic.twitter.com/4BDwzZc3pc
— Abdullanawaz (@abdullanawa) April 20, 2023
ނަވާޒު އިތުރަށް ވިދާޅުވެފައިވަނީ، ޕާޕާއަށް ތުހުމަތު ކުރެވޭ މާ ސީރިއަސް މައްސަލަތައް އެބަހުރި ކަމަށާއި، އެވާހަތައް ދެއްކުން މާ ރަގަޅުވާނެ ކަމުގައެވެ.
ރިޔާސީ ލޯންޗު " ފިނިފެންމާ" ގައި އެއްޗެއް ގޮއްވާލި މައްސަލައިގައި ޖަލަށްލި، ސިފައިންގެ މާލޭ އޭރިއާގެ ކުރީގެ ކޮމާންޑަރު ކެޕްޓަން އަހުމަދު ފަޔާޒު (ޕާޕާ) މިނިވަން ވެފައިވަނީ 2018ވަނަ އަހަރުގެ ޖޫންމަހުއެވެ. އޭނާ މިނިވަންވެފައިވަނީ ހުކުމުގެ މުއްދަތު ހަމަވުމުގެ ސަބަބުންނެވެ.
ރިޔާސީ ލޯންޗުކޮޅު ގޮވި ހާދިސާ ހިނގިއިރު، ސިފައިންގެ ސްޕެޝަލް ޕްރޮޓެކްޝަން ގްރޫޕާއި ބަޑި ގުދަނުގެ ވެރިޔާގެ މަގާމުގައި ހުރި ޕާޕާގެ މައްޗަށް ކޮށްފައިވަނީ އަދުލު އިންސާފު ގާއިމުކުރުމަށް ހުރަސްއެޅުމުގެ ދައުވާ އާއި ގާނޫނު ތަންފީޒު ކުރާ މުވައްޒަފެއްގެ މަސައްކަތަށް ގަސްތުގައި ހުރަސްއެޅުމުގެ ދަޢުވާއެވެ. މިދެ ދަޢުވާވެސް ޕާޕާގެ މައްޗަށް އޭރި ސާބިތުވެފައި ވެއެވެ.
2016 ވަނަ އަހަރު ޖޫން މަހުގެ 19 ވަނަ ދުވަހު ޕާޕާގެ މައްޗަށް ކުރި ދެ ދަޢުވާ ސާބިތުވެ އޭނާ ޖަލަށް ލުމަށް ޙުކުމް ކުރެވުނެވެ. ޕާޕާާގެ މައްޗަށް އުފުލި ދެ ދައުވާގެ ތެރެއިން އަދުލު އިންސާފު ގާއިމުކުރުމަށް ހުރަސްއެޅުމުގެ ދައުވާ ސާބިތުވުމުން އޭނާއަށް އިއްވީ ދެ އަހަރުގެ ޖަލު ހުކުމެކެވެ. ގާނޫނު ތަންފީޒު ކުރާ މުވައްޒަފެއްގެ މަސައްކަތަށް ގަސްތުގައި ހުރަސްއެޅުމުގެ ދައުވާ ސާބިތުވުމުން ފަޔާޒަށް އިއްވީ ތިން މަހާއި 18 ދުވަހުގެ ޖަލު ހުކުމެކެވެ.
