ދިވެހި ރައްޔިތުން އެދި ގޮވަނީ ރައްޔިތުންނަށް ހަމަޖެހޭ ވެރިކަމެއް ކޮށްދިނުމަށް ކަމަށާއި، އެފަދަ ވެރިކަމެއް ކޮށްދެވޭނެ ފަދަ ބޭފުޅަކީ ޖުމުހޫރީ ޕާޓީގެ ލީޑަރު ގާސިމް އިބުރާހިމް ކަމުގައި ޖުމުހޫރީ ޕާޓީގެ ލީޑަރުގެ އެޑްވައިޒަރ އަބުދުﷲ ނަވާޒު ވިދާޅުވެއްޖެއެވެ.
ކުރިޔަށް އޮތް ރިޔާސީ އިންތިޚާބުގައި ވާދަކުރައްވާނޭކަން މިހާރު އިއުލާން ކުރައްވާފައިވާ ޖުމުހޫރީ ޕާޓީގެ ލީޑަރު ގާސިމް އިބުރާހިމްގެ ޚާރިޖީ ސިޔާސަތެއްގައި ދުނިޔޭގެ އެއްވެސް ގައުމެއްގެ އުނގަށް ވެއްޓިވަޑައި ނުގަންނަވާނޭކަމަށް ވިދާޅުވެ ގާސިމް ދެއްކެވި ވާހަކައަށް އިޝާރާތް ކުރައްވަމުން ނަވާޒު ކުރެއްވި ޓުވީޓެއްގައި ވިދާޅުވެފައިވަނީ، އެއީ ގައުމެއްގެ ވެރިއެއްގެ ކިބައިގައި ހުންނަނެޖެހޭނެ ހިތްވަރެއް ކަމަށާއި، ދިވެހީން މިއަދު އެދި ގޮވަނީ މިފަދަ ހިތްވަރުގަދަ ވެރީން ގައުމުގެ ވެރިކަމާއި ހަވާލުވުމަށް ކަމުގައެވެ.
Mi hihvarrai fannvaru adhi hunaru gaumehgge veriyeh ge kibaigai hunnaan jeheyne.. divehin miadhu edhi govanee mifadha hihvaru gadha vereen gaumaai havaaluve.. rayathunah hamajehey varikameh kohdhinumah… Insha Allah @qasimibrahim vaanee efadha veriyakah. @JZuvaanun pic.twitter.com/rpbcfT4lpG
— Abdullanawaz (@abdullanawa) April 19, 2023
ނަވާޒުގެ ޓުވީޓުގައި އިތުރަށް ވިދާޅުވެފައިވަނީ، ގާސިމް ވެވަޑައިގަންނަވާނީ އެވަރުގެ ހިތްވަރު ހުރި ވެރިޔަކަށް ކަމަށާއި، ރައްޔިތުން ތިބީ ހަމަޖެހޭ ވެރިކަމެއް ކޮށްދޭނެ ވެރިއެއްގެ އުއްމީދުގައި ކަމުގައެވެ.
ކުރިޔަށް އޮތް ރިޔާސީ އިންތިޚާބަށް ކުރިމަތިލައްވާނެކަން އިއުލާން ކުރައްވާފައިވާ، ޖުމުހޫރީ ޕާޓީގެ ލީޑަރު ގާސިމް އިބުރާހިމް ދާދިފަހުން އެމަނިކުފާނުގެ ޚާރިޖީ ސިޔާސަތު އިއުލާން ކުރައްވަމުން ވިދާޅުވެފައިވަނީ، އެމަނިކުފާނުގެ ވެރިކަމެއްގައި ގެންގުޅުއްވާނީ، ކުރީގެ ދެ ރައީސުން ކަމުގައިވާ އިބުރާހިމް ނާސިރާއި ރައީސް މައުމޫން ގެންގުޅުއްވި ޚާރިޖީ ސިޔާސަތުކަމުގައެވެ.
ގާސިމް އިބުރާހިމް އެމަނިކްފާނުގެ ޚާރިޖީ ސިޔާސަތު އިއުލާން ކުރެއްވި ނަމަވެސް، އެމަނިކުފާނުގެ ވެރިކަމެއްގައި ގެންގުޅުއްވާނެ އެހެން ސިޔާސަތުތައް އަދި އިއުލާން ކުރައްވާފައެއް ނުވެއެވެ. އެހެންނަމަވެސް، ރިޔާސީ އިންތިޚާބަށް ގާސިމްއާއެކީ ކޯލިޝަން ހައްދަވާފައިވާ ކުރީގެ ރައީސް ނަޝީދުގެ ފިކުރެއްގެ ދިރުމުގެ ފަރާތުން ހާމަ ކޮށްފައިވަނީ ދެފަރާތުގެ ދެމެދުގައި މިހާރު ކުރިޔަށްދާ މަޝްވަރާތަކަކީ މެނިފެސްޓޯ އެކުލަވާލުމަށް ސިޔާސަތުތަކެއް ކަނޑައެޅުމަށްޓަކާ ކުރިޔަށް ގެންދާ މަޝްވަރާރަކެއް ކަމުގައެވެ.
