އިދު ދުވަހުގެ އެމްޓީސީސީގެ ފެރީ ޝެޑިއުލްއަށް ބަދަލްތަކެއް އަންނާނެ

ފިތުރު އީދު ދުވަހުގެ ފެރީ ހިދުމަތަށް ބައެއް ބަދަލުތައް ގެނެސްފައިވާކަމަށް އެމްޓީސީސީއިން ބުނެފިއެވެ.

އެމްޓީސީސީން ބުނީ ފިތުރު އީދު ދުވަހުގެ އީދު ނަމާދަށް މާލެއާއި ވިލިމާލެއާއި ދެމެދު ކުރެވޭ ފެރީ ދަތުރުގެ ހިދުމަތް ހެނދުނު 7:00ން ފެށިގެން 8:15ށް މެދު ކަނޑާލެވޭނެކަމަށެވެ.

މީގެ އިތުރުން ފިތުރު އީދު ދުވަހު ތިލަފުށީ ފެރީ ދަތުރުތައް ކުރުމަށް ހަމަޖެހިފައިވާ ގަޑިތަކަށް ބަދަލު ގެނެސްފައިވާ ކަމަށް އެމްޓީސީސީން ބުނެއެވެ. އެގޮތުން، މާލެއިން ތިލަފުއްޓަށް ފުރަތަމަ ދަތުރު އޮންނާނީ 8:30 ގައި ކަމަށާއި، ތިލަފުށިން މާލެއަށް ފުރަތަމަ ދަތުރު އޮންނާނީ 9:00 ގައި ކަމަށް އެމްޓީސީސީން ބުނެއެވެ.