އިދިކޮޅު ޕީޕިއެމްގެ ރިޔާސީ ކެނޑިޑޭޓަކީ އެޕާޓީގެ ރައީސް، ކުރީގެ ރައީސް ޔާމިންކަމަށާއި، އެހެން ކެނޑިޑޭޓެއްގެ ވާހަ ދައްކަން އެޕާޓީގައި ފުރުސަތު ނެތްކަމަށް، ޕީޕީއެމް ހިންގެވުމާއި ހަވާލުވެ ހުންނެވި ޕީޕީއެންސީގެ ރައީސް އަބުދުއްރަހީމް ވިދާޅުވެއްޖެއެވެ.
މިއަދު ހަވީރު ޕީޕީޕީއެމްގެ އޮފީހުގައި އޮތް ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން އަބުދުއްރަހީމް ވިދާޅުވީ ޔާމިނަށް ރިޔާސީ އިންތިޚާބުގައި ވާދަކުރުމުގެ ފުރުސަތު އަދި ގެއްލިފައި ނުވާކަމަށާއި، ޔާމިނާއި އެޕާޓީގެ ރިޔާސީ ޓިކެޓް ހަވާލު ކޮށްފައިވަނީ ޑިމޮކްރަޓިކް އުސޫލުގެ މަތިންކަމުގައެވެ. އަދުރޭ އިތުރަށް ވިދާޅުވެފައިވަނީ، ޔާމިންގެ ކެނޑިޑަސީ ގެއްލިފައި ނުވާކަމަށް އިލެކްޝަންސް ކޮމިޝަނުންވެސް ބުނެފައިވާ ކަމަށާއި، ރިޔާސީ އިންތިޚާބަށް ވާންޖެހޭ ތައްޔާރީތައް އެޕާޓީން މިހާރުވެސް ވަމުންދާކަމުގައެވެ.
މިގޮތުން މި ރޯދަމަސް ނިމުމުން ކެމްޕެއިން ދަތުރުތައް އަތޮޅުތަކަށް ފެށުމަށް ހަމަޖެހިފައިވާކަށްވެސް އަދުރޭ ވިދާޅުވިއެވެ. އޭނާ ވިދާޅުވީ ޔާމިނާއި ބައްދަލު ކުރެވޭ ބޭފުޅުން އެމަނިކްފާނާ ބައްދަލަލުކޮށް ލިބޭ މަޝްވަރާގެ އަލީގައި މެނިފެސްޓޯ އެކުލަވާލުމުގެ މަސައްކަތްވެސް ކުރިޔަށްދާ ކަމުގައެވެ.
ކުރިޔަށް އޮތް ރިޔާސީ އިންތިޚާބުގައި ވާދަކުރާނޭ އެހެން ކެނޑިޑޭޓެއްގެ ވާހަކަ ދެއްކުމުގެ ފުރުސަތު ނެތްކަމަށް އަބުދުއްރަހީމް ވިދާޅުވިނަމަވެސް، ރިޔާސީ ޓިކެޓްގެ މައްސަލާގައި ޕީޕީއެގެ ލީޑަރޝިޕްގައި ބޮޑެތި ޚިޔާލުތަފާތުވުންތަކެއް ހުރިކަމަށް ވަނީ މައުލޫމާތު ލިބިފައެވެ.
މިގޮތުން ޕީޕީއެމްގެ ރިޔާސީ ޓިކެޓް ޑރ. މުއިއްޒަށް ހޯދާ ދިނުމަށް މަސައްކަތް ކުރާކަމުގެ ތުހުމަތު ކުރެވި، ޕީޕީއެމްއަށް ނިސްބަތްވާ މާލޭ ސިޓީ ކައުންސިލްގެ މެދު ހެންވޭރު ދާއިރާގެ މެމްބަރު އާދަމް ރަމީޒުގެ ސުލޫކީ މައްސަލައެއް ޕީޕީއެމްއިން ބަލަން ފެށުމާއެކު އޭނާ މިހާރުވަނީ ޕާޓީން އިސްތިއުފާ ދީފައެވެ.
