ފިލްމް "އާޝިޤީ" ގެ ތަރި ރާހުލް ރޯއީއަށް، ފިލްމެއްގެ ޝޫޓިންގެ ތެރޭގައި ސްޓްރޯކެއް ޖެހި ފަރުވާދީފި އެވެ. އޭނާ ވަނީ މުމްބާއީ ގެ ނަނާވަތީ ހޮސްޕިޓަލްގެ އައިސީޔޫގައި އެޑްމިޓުކޮށްފަ އެވެ.
އޭނާގެ ކުރިއަށް އޮތް ފިލްމު "އެލްއޭސީ – ލިވް ދަ ބެޓެލް"ގެ ޝޫޓިންގ ގައި އުޅެނިކޮށް ސްޓުރޯކު ޖެހުމަށް މެދުވެރިވީ ކާގިލްގެ މޫސުން ހުރި ގޮތުން ކަމަށް ރާހުލްގެ ބޭބެ ރޯމީރް ސެން ވަނީ އިންޑިއަން އެކްސްޕްރެސްއަށް މައުލޫމާތު ދީފައެވެ. އޭނާގެ ހާލު މިހާރު އަންނަނީ ރަނގަޅުވަމުން ކަމަށް ވެސް ޚަބަރުދެއެވެ.
ބޮލީވުޑާއި ކުޑަކޮށް ދުރުގައި ދުވަސްކޮޅަކު ހުރި ރާހުލް މިއަހަރު ކުރީކޮޅު ޕިންކްވިލާއަށް ދިން އިންޓަވިއުއެއްގައި ބުނީ އޭނާ ފިލްމު އިންޑަސްޓްރީއާއި ދުރަށް ދިޔައީ އަމިއްލަ އަށް ބޭނުންވެގެން ކަމަށާއި މީގައި އިންޑަސްޓްރީއާއި ބެހޭކަމެއް ނޯންނާނެ ކަމަށެވެ.
ރާހުލް ރޯއީ މަޝްޙޫރު ވެގެން ދިޔައީ 1990 ގައި މަހޭޝް ބަޓްގެ ކާމިޔާބު ފިލްމް "އާޝިޤީ" އިންނެވެ. މިއީ އުމުރުން 22 އަހަރުގައި އޭނާ އޭނާ ބޮލީވުޑަށް ނެރެދިން، ފިލްމެވެ. އަދި 2006 ގައި ރާހުލް ވަނީ "ބިގް ބޮސް" ގެ ފުރަތަމަ ސީޒަން ކާމިޔާބުކޮށްފައެވެ.
