ގދ. ގައްދޫ ބަނދަރު ތަރައްގީ ކުރުމުގެ މަޝްރޫއު ހުއްޓުމެއް ނެތި ކުރިއަށްދާ ކަމަށް އެމްޓީސީސީން ބުނެފިއެވެ.
އެމްޓީސީސީން މިއަދު ބުނީ ގައްދޫ ބަނދަރު ތަރައްޤީ ކުރުމުގެ މަޝްރޫޢުގެ ދަށުން، އެއްގަމުތޮށި ލުމުގެ މަސައްކަތް މިހާރު ވަނީ 39 އިންސައްތަ ފުރިހަމަކުރެވިފައިކަމަށެވެ. އަދި، ހާބަރ ބްރިޖް އެޅުމުގެ މަސައްކަތް މިހާރު ވަނީ 10 އިންސައްތް ނިމިފައިކަމަށެވެ.
ޑިޒައިން އެންޑް ބިލްޑް އުސޫލުން ޕްލޭނިން މިނިސްޓްރީއިން އެމްޓީސީސީއާއި ހަވާލުކުރި އެ މަސައްކަތް ނިންމަން ހަމަޖައްސާފައި ވަނީ އެއް އަހަރު ދުވަހުގެ ތެރޭގައެވެ. އެ މަސައްކަތުގެ ދަށުން ގައްދޫ ބަނދަރުގެ 13،498 ކިއުބިކް މީޓަރު ސަރަހައްދަކާއި ބަނދަރަށް އިތުރު ކުރެވޭ ބައިގެ 9،519.20 ކިއުބިކް މީޓަރުގެ ސަރަހައްދު ފުންކުރަން ވަނީ ހަމަޖެހިފައެވެ.
Gdh. Gahdhoo Harbor Development Project is currently underway. Quay wall block installation work is currently ongoing at the site with 39% completion, and habor bridge construction work has reached 10% completion#MTCCProjects #RayyithungeKunfuni pic.twitter.com/uFy8VMH777
— MTCC Plc (@MTCCPlc) April 18, 2023
ގައްދޫ ބަނދަރު މަރާމާތު ކުރުމުގެ ތެރެއިން، ބޮޑުހިލައިގެ ބޭރުތޮށި ޖަހާނީ 232 މީޓަރުގެ ސަރަހައްދެއްގައެވެ. އަދި 320 މީޓަރުގެ ސަރަހައްދެއްގައި އެއްގަމު ތޮށި ޖެހުމަށް ހަމަޖެހިފައި ވާކަމަށް އެމްޓީސީސީން ބުންޏެވެ. މީގެ އިތުރުން މި މަޝްރޫއުގައި ހިމެނެނީ 35 މީޓަރުގެ ރިވެޓްމަންޓް ޖެހުމާއި ނެވިގޭޝަން ދެ ލައިޓް ހަރުކޮށް 25 މޫރިން ބޮއި ހަރުކުރުމުގެ އިތުރުން 1600 އަކަ މީޓަރުގެ ޕޭވްމަންޓް ހެދުމެވެ.
އެމްޓީސީސީން ބުނީ މި މަޝްރޫގެ ދަށުން ގައްދޫގައި 16 މަގުބައްތި ހަރުކޮށް ކޮންކްރީޓް ބްރިޖެއް އެޅުމަށް ހަމަޖެހިފައިވާ ކަމަށެވެ. މިއީ 38.4 މިލިއަން ރުފިޔާގެ މަޝްރޫޢުއެކެވެ.
ކޮމެންޓު ފޮނުވާ