ޒާތީ ދިރިއުޅުމުގައި މިފަހުން ބޮޑު ހައިޖާނެއްގެ ތެރޭ އުޅެމުން އަންނަ ބޮލިވުޑްގެ ހުނަރުވެރި އެކްޓަރު ފިލްމުތަކުން ދިގު ބްރޭކެއް ނެގުމަށް ފަހު އެނބުރި އައުމަށް ތައްޔާރު ވެއްޖެއެވެ.
ނަވާޒު އެނބުރި އަންނަ ފިލްމް އަކީ ރޮމޭންޓިކް ކޮމެޑީ 'ޖޯގީރާ ސާރާ ރާ ރާ' އެވެ. މި ފިލްމްގެ ޓިޒާ އެއްވެސް މިހާރު ވަނީ ދައްކައިލައިފައިއެވެ. އަންނަ މަހު 12 ގައި ސިނަމާގައި އަޅުވަން ތާވަލް ކޮށްފައިވާ މި ފިލްމް ގައި ނަވާޒް އާއި އެކުގައި ލީޑުން ފެނިގެންދާނީ ބަތަލާ ނޭހާ ޝަރުމާއެވެ.
މި ފިލްމްގެ އިތުރު ކާސްޓުގައި ވިޝާލް އާނަންދު، ސަންޖޭ މިޝްރާ އާއި މަހާކްޝޭ ޗަކްރޮބަތީ ހިމެނެއެވެ. ކުޝަން ނަންދީ ޑައިރެކްޓް ކޯށްފައިވާ މި ފިލްމް އަކީ ނައީމް ސިއްދީގް އާއި ކިރަން ޝްރޮފް ޑައިރެކްޓް ކޮށްފައިވާ ފިލްމްއެކެވެ. ފިލްމް ރިލިޒް ކުރަނީ ޔަޝް ރާޖް ފިލްމްސް ގެ ތަތްގަނޑުގައިއެވެ.
މި ފިލްމް އަކީ މެއި މަހުގެ 12 ވަނަ ދުވަހަށް ތާވަލް ކޮށްފައިވާ ފިލްމްއެކެވެ.
