ޕާކިސްތާނުންް މިއަދު ރާއްޖެ އައި ފަސިންޖަރެއްގެ ލަގެޖުން 4.98 ކިލޯގެ މަސްތުވާތަކެތި އަތުލައިގެންފިއެވެ.
ކަސްޓަމްސްއިން ދާދި ދެންމެއަކު ވިދާޅުވެފައިވަނީ މި ތަކެތި އަތުލައިގެންފައިވަނީ ވައިގެމަގުން ރާއްޖެއައި ޕާކިސްތާން ފަސެންޖަރެއްގެ ލަގެޖުން ކަމުގައެވެ. މިގޮތުން މިތަކެތި އަތުލައިގެންފައިވަނީ، މިއަދު ޕާކިސްތާނުގެ ކަރާޗީން ރާއްޖެއައި، ޕާކިސްތާނުގެ، އުމުރުން 53 އަހަރުގެ ފިރިހެން ޕަސެންޖަރަކާމެދު ޝައްކު ކުރެވިގެން އެނާއާއި ސުވާލުކޮށް، ބަލައި ފާސްކުރުމުގެ ތެރޭގައި ކަމުގައިވެސް ކަސްޓަމްސްއިން ހާމަކޮށްފައި ވެއެވެ.
މިގޮތުން ބަލާ ފާސްކުރުމުގެ ތެރޭގައި މަސްތުވާތަކެތި ކަމަށް ޝައްކު ކުރެވޭ ތަކެތި ފެނުމުން، އެތަކެތި ފުރަތަމަ މަރުހަލާގައި ކަސްޓަމްސްއިން ތަހުލީލު ކުރިއިރު، މަސްތުވާތަކެތީގެ ބާވަތެއް ކަމުގައިވާ ހެރޮއިންއަށް ޕޮސިޓިވްވެފައިވާކަމަށްވެސް ކަސްޓަމްސްއިން ވިދާޅުވިއެވެ.
މިމައްސަލާގައި އަތުލަގަނެވިފައިވާ މަސްތުވާތަކެތީގެ ބަރުދަނުގައި ޖުމްލަ 4.98 ކިލޯ ހުރިއިރު، މިތަކެތީގެ މަގުމަތީ އަގު 6 މިލިއަން ރުފިޔާއަށްވުރެ މަތިވާނެކަމަށް ލަފާކުރެވޭކަމަށްވެސް ކަސްޓަމްއިން މައުލޫމާތު ދެއެވެ.
ކަސްޓަމްސްއިން ވިދާޅުވެފައިވަނީ މިމައްސަލަ އިތުރަށް ތަހުގީގު ކުރުމަށްޓަކާ، މި ޕަސެންޖަރާއި އޭނާގެ އަތުން އަތުލައިގަނެވުނު މަސްތުވާތަކެތި މިހާރު ދިވެހި ފުލުހުންގެ ޚިދުމަތާ ހަވާލު ކުރެވިފައިވާކަމަށެވެ.
