ރައްޔިތުންގެ މަޖިލިހުގެ ކުރީގެ ނާއިބު ރައީސް ރީކޯ މޫސާ މަނިކުގެ މަންމަ ނިޔާވެއްޖެއެވެ.
މޫސަ ދާދި ދެންމެއަކު ކުރި ޓުވީޓެއްގައި ވިދާޅުވެފައިވަނީ، "ޙަޔާތުގެ ހުރިހާވެސް ކުރިއެރުމަކާއި ކާމިޔާބުގެ އަސްލު ކަމުގައިވާ، ލޯބިވާ މަންމަ ދާދި ދެންމެއަކި ނިޔާވެފައި" ވާކަމުގައެވެ.
އަޅުގަނޑުގެ ޙަޔާތުގެ ހުރިހާވެސް ކުރިއެރުމަކާއި،ކާމިޔާބުގެ އަސްލުކަމުގައވާ އަޅުގަނޑުގެ ލޯބިވާ މަންމަ ދާދި ދެންމެއަކު ނިޔާ ވެއްޖެ މަންމަގެ ފުރާނައަށް ސުވަރުގޭގެ ދާއިމީ ނިއްމަތްލައްވާށި ! pic.twitter.com/itWpj5JFAf
— Moosa Maniku (Reeko) (@ReekoMoosa) April 12, 2023
މޫސާ މަނިކަކީ ރައްޔިތުންގެ މަޖިލިހުގެ ނާއިބު ރައީސްގެ އިތުރުން، 18 ވަނަ ދައުރުގައި ރައްޔިތުންގެ މަޖިލިހުގެ ހުޅުމާލޭ ދާއިރާގެ މެމްބަރުންކަންވެސް ކުރައްވާފައިވާ ބޭފުޅެކެވެ. އޭގެ ކުރިން އޭނާވަނީ ލ. އަތޮޅުގެ މެމްބަރުކަންވެސް ކުރައްވާފައެވެ.
އޭގެ އިތުރުން ރީކޯ މޫސާ މަނިކު ވަނީ އެމްޑީޕީގެ ޗެއަރޕާސަންގެ މަގާމުވެސް ފުރުއްވާފައެވެ. އެހެންނަމަވެސް 2018ގެ ރިޔާސީ އިންތިޚާބަށް އޭނާ ގުޅިވަޑައިގަތީ ޕީޕީއެމްއާއެވެ. އެހެންނަމަވެސް ދާދި ފަހުން މޫސަ ވަނީ އަނެއްކާވެސް އެމްޑީޕީއާއި ގުޅިވަޑައިގެންފައެވެ.
މޫސަ މިހާރު މަސައްކަތް ކުރައްވަމުން ގެންދަވަނީ ރައީސް އިބުރާހިމް މުހަމަދު ސާލިަހަށް ތާއީދު ހޯއްދެވުމަށެވެ.
