ސިނަމާލެ ބްރިޖު ސަރަޙައްދު މާލޭ ކޮޅުގައި ނުރައްކާތެރި އެކްސިޑެންޓެއް ހިނގައި 3 މީހަކަށް ހާނީއްކަ ވެއްޖެއެވެ.
މި އެކްސިޑެންޓް ހިނގާފައިވަނީ މާލޭ ކޮޅުން ސިނަމާލެ ބްރިޖުގެ ޓްރެފިކް ލައިޓަށް މަޑުކޮށްފައިހުރި ސައިކަލަކާއި ފަހަތުން ދުއްވާފައި އައި ސައިކަލެއް މުޑިއަރައިގެންނެވެ.
ފުލުހުން ވިދާޅުވީ މި އެކްސިޑެންޓްގައި 3 މީހަކަށް ހާނީއްކަ ވެފައިވާ ކަމަށެވެ. އެއީ ޢުމުރުން 47 އަހަރުގެ މީހަކާއި، 31 އަހަރުގެ މީހަކާއި 43 އަހަރުގެ މީހެކެވެ. މިއެންމެންނަކީވެސް ފިރިހެނުންނެވެ. ހާނީއްކަ ވީ ވީމީހންގެ ތެރެއިން 43 އަހަރުގެ މީހާއަށް އައިޖީއެމްއެޗްގައި އަންނަނީ ފަރުވާ ދެމުންނެވެ.
އަނެއް ދެމީހުންނަށް ފަރުވާދެމުން އަންނަނީ ސެނެހިޔާ ހޮސްޕިޓަލުގައެވެ. މިމީހުންނަށް ލިބުނު ހާނީއްކައިގެ ތަފްސީލެއް އަދި ނުލިބެއެވެ.
