ކޮޅުމަޑުލު ބުރުނީ ގޮނޑުދޮށް ޙިމާޔަތްކުރުމަށް އެމްޓީސީސީން ކުރިއަށް ގެންދާ މަސައްކަތުގެ ބޮޑުބައި ނިމިފައިވާކަމަށް އެކުންފުނިން ވިދާޅުވެއްޖެއެވެ.
އެގޮތުން މިމަޝްރޫއުގެ މަސައްކަތުގެ %64 ނިމިފައިވާކަމަށަ، މަސައްކަތްދަނީ ބާރު ސްޕީޑުގައިކަމަށް އެކުންފުނިން ވިދާޅުވެއެވެ. މިހާތަނަށް ކޮށްފައިވާ މުހިންމު މަސައްކަތްތަކުގެ ތެރޭގައި ބުރުނީ ގޮނޑުދޮށުން ގިރާ ސަރަޙައްދަށް ވެލި އެޅުމުގެ މަސައްކަތް ހިމެނެއެވެ. މިމަސައްކަތް ވަނީ މުޅިން ނިމިފައެވެ. އަދި އެސަރަޙައްދުގެ ބޭރު ތޮށި ލުމުގެ މަސައްކަތުގެ %54 ފުރިހަމަ ނިމިފައިވާކަމަށް އެކުންފުނިން ވިދާޅުވެއެވެ.
ތ. ބުރުނީ ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، މަސައްކަތުގެ %64 މިހާރު ވަނީ ފުރިހަމަކުރެވިފައެވެ. ގިރާ ސަރަޙައްދަށް ވެލި އެޅުމުގެ މަސައްކަތް ހިމާރު ވަނީ ނމިފައެވެ. އަދި، ބޭރު ތޮށި ލުމުގެ މަސައްކަތް މިހާރު ވަނީ %54 ފުރިހަމަކުރެވިފައެވެ.#MTCCProjects #RayyithungeKunfuni pic.twitter.com/HHV56zUFc1
— MTCC Plc (@MTCCPlc) April 7, 2023
ބުރިނީ ގޮނޑުދޮށް ޙިމާޔަތްކުރުމަށް ކުރިއަށްގެންދާ މަޝްރޫއުގެ ދަށުން 21،181.80 އަކަމީޓަރުގެ ސަރަޙައްދަކަށް ވެލިއެޅުމާއި 220 މީޓަރު ރިވެޓްމަންޓް ޖެހުން ހިމެނެއެވެ. އަދި 369 މީޓަރުގެ ބޭރުތޮށްޓެއް ލުންވެސް ހިމެނެއެވެ. މި މަޝްރޫއަކީ 28.8 މިލިޔަން ރުފިޔާގެ މަޝްރޫއެކެވެ.
ކޮމެންޓު ފޮނުވާ