ކުރިސްޓިއަކުންގެ އިސް ފާދިރީ، ޕޯޕު ފްރާސްސިސް ލޭގެ އިންފެކްޝަނަކަށް ފަރުވާ ކުރުމަށް އެޑްމިޓް ކުރުމަށްފަހު މިއަދު ހޮސްޕިޓަކުން ދޫކޮށްލައިފިއެވެ.
ޕޯޕު ފްރާންސިސް އެޑްމިޓްކުރީ އިޓަލީގެ ގެމެއްލީ ހޮސްޕިޓަލުގައި، ފާއިތުވެދިޔަ ހަފްތާގައި ނޭވާލާން އުދަގޫވުމާއި ގުޅިގެންނެވެ. ފަހުން ޑޮކްޓަރުން ބުނެފައިވަނީ ޕޯޕުގެ ނެވާލާ ނިޒާމުގައި އިންފެކްޝަން އުފެދިފައިވާކަމުގައެވެ.
މިހާރު އުމުރުން 86 އަހަރުގެ ޕޯޕު ހޮސްޕިޓަކުން ދޫކޮށްލުމާއެކު އޭނާ ވިދާޅުވެފައިވަނީ، "އަހަރެން އަދި ދުނިޔޭގައި އެބަހުރިން" ކަމުގައެވެ. އަދި ހޮސްޕިޓަކުން ގެއަށް ވަޑައިގެންނެވިއިރު، ތާއީދުކުރާ ގިނަބަޔަކު މަރުހަބާ ކިއުމަށް އެއްވެފައިވެސް ވެއެވެ.
ޕޯޕު ހޮސްޕިޓަލުގައި އެޑްމިޓް ކޮށްފައިވަނީ، ކުރިސްޓިއަނުންގެ މުހިންމު ދީނީ ބަންދެއް ކަމުގައިވާ އީސްޓަރ ބަންދު ވަރަށް ގާތްވެފައި ވަނިކޮށެވެ. ވެޓިކަންއިން ބުނެފައިވަނީ މި ހަފްތާ ބަންދުގައި އޮންނަ ދީނީ އަޅުކަންތަކުގައި ޕޯޕު ބައިވެރިވާނެ ކަމުގައެވެ.
އާޖެންޓީނާއަށް ނިސްބަތްވާ ޕޯޕް ފްރާންސިސް ޕޯޕުކަމަށް އިސްކުރެވުނުތާ 10 އަހަރު ފުރޭނީ މިމަހުއެވެ. އޭނާއަކީ މީގެ ކުރިން ސިއްޙީ ގިނަ މައްސަލަތަކެއް ކުރިމަތިވެފައިވާ ފަރާތެކެވެ. މިގޮތުން އުމުރުން 21 އަހަރުގައި ވަނީ އެނާގެ ފުއްޕާމޭގެ ބައެއް ނަގާފައެވެ.
އަދި ކަކުލު ހުޅަށް ކުރިމަތިވެފައިވާ މައްސަލަތަކުގެ ސަބަބުން ފާއިތުވި ދުވަސްތަކުގައި ޕޯޕު އުޅެން ޖެހިފައިވަނީ ފުރޮޅު ލީ ގޮނޑީގައެވެ. އެހެންނަމަވެސް ފާއިތުވި ދުވަސްތަކުގައި އޭނާވަނީ ބޭރުގެ ބައެއް ގައުމުތަކަށްވެސް ދަތުރު ކޮށްފައެވެ. އޭގެ ތެރޭގައި ޑިމޮކްރަޓިކް ރިޕަބްލިކް އޮފް ކޮންގޯއާއި ސަތު ސޫދާނަށް ޕޯޕުވަނީ ފާއިތުވި ފެބްރުއަރީމަހު ދަތުރު ކުރައްވާފައެވެ.
