ރާއްޖެއިން އިތުރު 14 މީހަކު ކޯވިޑް-19 އަށް ޕޮޒިޓިވްވެއްޖެއެވެ. މިއީ ފަހުގެ ތާރީޚުގައި ރާއްޖެއިން މިހާ މަދުން މީހުން ޕޮޒިޓިވްވި ފުރަތަމަ ދުވަހެވެ. މިއީ ކޯވިޑް-19އާއި ގުޅިގެން އެޅި ފިޔަވަޅުތަކަށް ލުއިދިންފަހުންވެސް އެންމެ މަދުން ޕޮޒިޓިވްވި ދުވަހެވެ.
ރޭ އިރުއޮއްސި 18:00 އިން މިރޭގެ އިރުއއްސި 18:00 އާއި ހަމައަށް ޕޮޒިޓިވްވި މީހުންގެ ތެރޭގައި ހިމެނެނީ މާލެ ސަރަޙައްދުން ޕޮޒިޓިވްވި 8 މީހުންނާއި އަތޮޅުތަކުގެ ރަށްތަކުން ޕޮޒިޓިވްވި 2 މީހުންގެ އިތުރުން ރިސޯޓްތަކުން ޕޮޒިޓިވްވި 3 މީހެކެވެ. އަދި އެ 24 ގަޑިއިރުގެތެރޭގައި ބަލިން ރަނގަޅުވެފައިވަނީ 32 މީހުންނެވެ. އެހެންކަމުން މިހާތަނަށް ރާއްޖެއިން ޕޮޒިޓިވްވި 12،947 މީހުންގެ ތެރެއިން 11،781 މީހަކު ވަނީ ބަލިން ރަނގަޅުވެފައެވެ.
މިއަދު 14 މީހުން ކޯވިޑް19 އަށް ޕޮޒިޓިވްވެފައިވަނީ ބައްޔަށް ޓެސްޓްކުރުމަށް ނެގި 1،816 ސާމްޕަލުންނެވެ. އަދި ޖުމްލަ 241،346 ސާމްޕަލެއް ކޯވިޑް-19އަށް ޓެސްޓްކުރުމަށް މިހާތަނަށް ރާއްޖޭގައި ނަގާފައިވެއެވެ.
އެޗްޕީއޭގެ ތަފާސް ހިސާބުތައް ދައްކާގޮތުން މިހާރު ބައްޔަށް ފަރުވާދެމުން އަންނަނީ 1،113 މީހަކަށެވެ. ހޮސްޕިޓަލުގައި މިވަގުތު 92 މީހަކަށް ފަރުވާދެމުން އަންނައިރު މިހާތަނަށް ވަނީ 46 މީހަކު މިބަލީގައި ނިޔާވެފައެވެ.
ކޮމެންޓު ފޮނުވާ