މިފަހަރުގެ ފިޔާސީ އިންތިޚާބުގައި އެމްޑީޕީގެ ރައީސް ނަޝީދު ހުންނެވީ ސާބިތު ކަމާއިއެކު ޖުމްހޫރީ ޕާޓީގެ ލީޑަރު ޤާސިމް އިބްރާހިމްގެ ފަހަތްޕުޅުގައި ކަމަށާއި، މިފަހަރު ރައީސް ނަޝީދު ގުޑުވާނުލެވޭނެ ކަމަށް ޤާސިމްގެ އެޑްވައިޒަރު ނަވާޒް ވިދާޅުވެއްޖެއެވެ.
އޭނާ މިހެން ވިދާޅުވީ ކުރިއަށް އޮތް ރިޔާސީ އިންތިޚާބުގައި އެމްޑީޕީގެ ރިޔާސީ ޓިކެޓްގައި ވާދަކުރައްވާ އެޕާޓީގެ އިސްލީޑަރު ރައީސް އިބްރާހިމް މުހައްމަދު ޞާލިހާއި، ރައީސް ނަޝީދުގެ ގުޅުން ގޯސްވެ، ދެބޭފުޅުންގެ ދެމެދުގައި އެއްވެސް މަޝްވަރާއެއް ރިޔާސީ އިންތިޚާބާއި ގުޅިގެން ކުރެވިފައިވޭތޯ ރައީސް ޞާލިހާއި ނޫސްވެރިއަކު ކުރި ސުވާލަށް ދެއްވި ޖަވާބާއި ގުޅިގެން ނަވާޒު ކުރެއްވި ޓުވީޓެއްގައެވެ.
ރައީސާއިއެކު ރިޔާސީ އިންތިޚާބުގައި ކޯލިޝަން ހަދާފައިވާ ޕާޓީތަކާއިއެކު ބޭއްވި ބައްދަލުވުމަށްފަހު ނޫސްވެރިންނާއި ވާހަކަ ދައްކަވަމުން ރައީސް ވިދާޅުވީ ރިޔާސީ އިންތިޚާބާއި ގުޅޭގޮތުން އެމްޑީޕީގެ ރައީސް އަދި އެމަނިކުފާނުގެ ކުރީގެ ގާތް އެކުވެރިޔާ ރައީސް ނަޝީދާއި އެއްވެސް މަޝްވަރާއެއް ކުރައްވާފައި ނުވާކަމަށެވެ.
ރައީސްގެ ވާހަކަތަކާއި ގުޅިގެން ނަވާޒު ވިދާޅުވީ ރިޔާސީ އިންތިޚާބުގައި ރައީސް ނަޝީދު ކުރިއަށްދާނެ ގޮތް ނިންމަވާފައިވާކަމަށެވެ. ރައީސް ނަޝީދު މިހާރު އަމުދުން ރައީސް ޞާލިހާއި ކުރައްވާނެ މަޝްވަރާއެއް އޮންނާނެކަމަށް ނުބެލެވޭ ކަމަށާއި، ރިޔާސީ އިންތިޚާބުގައި ރައީސް ނަޝީދު މިހާރު ނިންމާފައި ނިންމުން މިފަހަރު ބަދަލު ނުކުރެވޭނެކަމަށް ނަވާޒު ވިދާޅުވިއެވެ.
އަމުދަކުން ހިޔެއް ނުވޭ ރައީސް ނަޝީދު، ރައީސް އިބްރާހިމް މުހައްމަދު ޞާލިހާއި ވާހަކަ ދައްކަން ބޭނުންވާހެނެއް. އެހެންވެ ނޫންތޯ މިފަހަރު ލީޑަރު ޤާސިމްގެ ފަހަތްޕުޅަށް އެއެރީ. އެހެންވީމާ އިބްރާހިމް މުހައްމަދު ޞާލިހު ކިތަންމެ ވަރަކަށް ތިޔަކަހަލަ ތާކުންތާކު ނުޖެހޭ ވާހަކަ ދެއްކިޔަން ރައީސް ނަޝީދު ދެނެއް ނުގުޑާނެ.
– ނަވާޒު ވިދާޅުވިއެވެ.
މިދިޔަ ޖެނުއަރީ މަހުގެ 28 ވަނަ ދުވަހު ބޭއްވި އެމްޑީޕީގެ ރިޔާސީ ޕްރައިމަރީގައި ނަޝީދަށް ލިބިވަޑައިގެންނެވި ނާކާމިޔާބީ އަށް ފަހު، އެމަނިކުފާނު އިސްވެ ހުންނަވައި އެ ޕާޓީ ތެރެއިން "ފިކުރެއްގެ ދިރުން" ނަމުގައި ސިޔާސީ ހަރަކާތެއް ވަނީ ފައްޓަވައިފައެވެ. ނަޝީދުގެ އަރިސް ބޭފުޅުން އެންމެ ފަހުން ވިދާޅުވެފައިވާ ގޮތުގައި އެ ހަރަކާތަށް ބައި ލައްކަ އަށް ވުރެ ގިނަ މީހުންގެ ތާއީދު ލިބިފައިވެއެވެ.
ރައީސް ނަޝީދުގެ ފެކްޝަނުން ދަނީ ޖޭޕީއާއިއެކު ކޯލިޝަން މަޝްވަރާކޮށް މެނިފެސްޓޯ އެކުލަވާލުމުގެ މަސައްކަތް ކުރަމުންނެވެ.
7 Responses
ލަޑައާއި ވާނީ ލަޑައާއެވެ. އެކަކީ މުސްލިމް މި ގައުމުގައި އެންމެ ގިނައިން ބަނގުރާ ވިއްކާ ސޭޓެވެ. އަނެކަކީ ހިނދުކޮޅު އަންނަމީހާއެވެ.
އަލިބެ ތިޔަބުނުއްވީ ވަރަށް ހައްޤު ތެދެއް ވަރަށް ވަރަށް ސާފް
ޖެހޭތާ ޖެހޭނީ ހަމަދާނީ ޗޮކުން
ކަލު ވިލާގަނޑެއްގެ ކޮޅުމަތި އެކަކީ މިތަނުން އިސްލާމްދީން ފޮހެލަން އުޅޭ މީހެއް އަނެކަކީ ފައިސާއަށް ބޫތުކާފަ ހުރި މީހެއް
ކޮންމެ ވާހަކަ އެއް ބުނާއިރު އިސްލާމް ދީނޭކިޔާފަ މީހުންނައއ ހަޖޫ ޖަހަނީ ތިމާއަކީ އިސްލާމެއް ކަން ކިހިނަކުން އެހރނީ
އަމުދަކުން ނަޝީދު ނޫޅޭ ގާސިމަކަށް ހެވެއް އެދިގެން ގާސިމަށް އިންތިހާބު ކާމިޔާބުބކުރެވުނަސް (ވަރަށް ނާދިރު ކަމެއް) ނަޝީދުގެ ކިބައިން ސަލާމަތެއް ނުވާނެ. ނަޝީދުގެ ބޭނުމަކީ އެމްޑީޕީގެ ބާރުވެރިކަން އަލުންހޯދާ އިދިކޮޅު ލީޑަރުގެ ގޮތުގައި ވިދުން ދެމެހެއްޓުން.
ކޮންމެ ވާހަކަ އެއް ބުނާއިރު އިސްލާމް ދީނޭކިޔާފަ މީހުންނައއ ހަޖޫ ޖަހަނީ ތިމާއަކީ އިސްލާމެއް ކަން ކިހިނަކުން އެހރނީ