ބޮލީވުޑްގެ ކުޅަދާނަ އެކްޓަރ ޝާހިދް ކަޕޫރުގެ އަންހެނުން މިރާ ރާޖްޕުތު އޭނާގެ އިންސްޓަގުރާމް ސްޓޯރީގައި މިއަދު ހެދުނު ހޭލައިގެން ނަގާފައިވާ ނަލަ ސެލްފީއެއް ވަނީ ހިއްސާކޮށްފައެވެ.
"ބެޑް ހެޑް" މިހެންލިޔެ ހިއްސާކުރި މި ފޮޓޯގައި އޭނާ ފެންނަނީ ކަޅުކުލައިގެ ހެދުމެއްގައި، މޭކަޕްނުކުރި ނަމަވެސް ނުލާހިކު ރީތި އަދި ތާޒާކޮށެވެ. ތިރީގައި އެވަނީ އެ ފޮޓޯއެވެ. ދެކުރިންގެ މަންމައެއް ހެން ހީވެސް ވޭހެއްޔެވެ؟
އޭނާގެ މިގޮތަށް ފޮޓޯއެއް ހިއްސާ ކުރާ ކޮންމެ ފަހަރަކު ފޭނުން އޭނާގެ ރީތިކަން ދަމަހައްޓަނީ ކިހިނެތްކަމާއި މެދު ސުވާލު އުފައްދައެވެ.
މިރާ ރާޖްޕުތް އަކީ އަބަދުވެސް އިސްޓާގްރާމުގައި އެކްޓިވް ތަރިއެކެވެ. އަދި ފޭނުންނަށާއި ފޮލޯވަރުންނަށް، ހަންގަނޑު ރީތިކޮށް އަދި އިސްތަށިގަނޑު ވަރުގަދަކޮށް ބެހެއްޓުމަށް ކުރެވިދާނެ ކަންތަކާއި ޕާޓީތައް ޕްލޭން ކުރާ ގޮތުގެ ވީޑިއޯވެސް އޭނާ ހިއްސާކުރެއެވެ. މީގެ އިތުރުން ފެޝަނާއި ގުޅޭ އެކިކަހަލަ މަޢުލޫމާތު ގެނެސްދިނުމަށް މީރާ ދާދިފަހުން ވަނީ އިންސްޓަގްރާމުގައި ވީޑިއޯ ސީރީޒްއެއް ފަށާފައެވެ. މީގައި އޭނާ ހާއްސަކޮށް އިންޑިއާގެ އެކިކަހަލަ ޓްރެންޑިންގ ފެޝަން ތަކުގެ މަޢުލޫމާތު ގެނެސްދެއެވެ.
އުމުރުން 26 އަހަރުގެ މީރާ އާންމުކޮށް މީހުން ދަންނަންފެށީ 2015 ވަނަ އަހަރު އެކްޓަރ ޝާހިދު ކަޕޫރާއި ރައްޓެހި ވުމުންނެވެ. އޭނާ އަކީ ޝާހިދަށްވުރެ 14 އަހަރު ހަގު މީހެކެވެ. މީރާ އާއި ޝާހިދު ކައިވެނިކޮށްފައި ވަނީ ވެސް ހަމަ އެއަހަރު ޖުލައިމަހު އެވެ. އަދި މި ކައިވެންޏަށް މިޝާ އާއި ޒޭން ލިބިފައިވެއެވެ.
