1988 ވަނަ އަހަރުގެ އަމިތާބް ބަޗަން ގެ ކާމިޔާބު ފިލްމު "ޝެހެންޝާހު" އޭނަ ބޭނުންކުރި އައިކޮނިކް ޖެކެޓް ސައޫދީ އަރަބިއްޔާގެ ފޭނަކަށް ހަދިޔާކޮށްފި އެވެ.
ނުރަ އިސްތަށިގަނޑަކާއި ދަގަނޑު އަތެއް ލީ ކަޅު ކުލައިގެ ޖެކެޓެއްގައި އަމީތާބު ފެނިގެންދާއިރުގައި މި ފިލްމް ގައި އޭނާ ވަނީ ކުޅަދާނަ އެކްޓިންގ އެއް ދައްކައި ބެލުންތެރިންގެ މަގުބޫލު ކަން ހޯދައިފައިއެވެ.
ސައޫދީ މީހަކު މިދިޔަ ހޯމަ ދުވަހު އަމީތާބަށް ޝުކުރު އަދާކޮށް ކުރި ޓްވީޓަކަށް ޖަވާބުދެމުން އަމީތާބު ވަނީ 'ޝެހެންޝާހު’ގެ ޖެކެޓު އެ މީހާއަށް ހަދިޔާކުރިކަން ހާމަކޮށްފަ އެވެ.
T 4591 – My dear and most considerate friend .. I am so honored that you have received the gift of the jacket with the steel arm that I wore in my film SHAHENSHAH .. some day I shall tell you how I was able to retrieve it .. my love to you .. @Turki_alalshikh https://t.co/mfkGijqQue
— Amitabh Bachchan (@SrBachchan) March 20, 2023
މީގެ 35 އަހަރު ކުރިން ރިލީޒްކުރި އަމީތާބް ބައްޗަންގެ ކާމިޔާބު ފިލްމް ގައި އޭނާ ފެނިގެން ދިއައީ ކުށްވެރިން ހުއްޓުވާން ކުރާ މަސައްކަތެވެ. އާންމު ރައްޔިތެއްގެ ހައިސިސްޔަތުން ކުރާ މަސައްކަޔް ފިލްމްގައި ވަރަށް ފުރިހަމައަށް ދައްކުވައިދީފައި ވެއެވެ. މި ފިލްްމްއަކީ އަމީތާބުގެ އަންހެނުން ޖާޔާ ބައްޗަންގެ ވާހަކައަކަށް އިންދަރު ރާޖު އާނަންދު ލިޔުނު ސްކްރީންޕްލޭއެކެވެ. މި ފިލްމް ގައި އަމިތާބް އާއި އެކުގައި ފެނިގެންދަނީ މީނާކްޝީ ޝެޝަދުރީ އެވެ.
ކޮމެންޓު ފޮނުވާ