މިދިއަ ޖެނުއަރީގައި ރިލީޒް ކުރި މިއަހަރުގެ އެންމެ ކާމިޔާބު އެއް ފިލްމް ކަމުގައިވާ "ޕަޓާން" އެމްޒޯން ޕްރައިމް ވީޑިއޯއިން މިހާރު ބަލައިލެވޭނެއެވެ.
ބޮކްސް އޮފީހުގައި އާ ރެކޯޑްތަކެއް ހެދި މި ފިލްމަކީ ޔާޝްރާޖް ފިލްމްސް (ވައިއާރްއެފް) އަށް ސިދާތު އާނަންދު ޑައިރެކްޓްކުރި އެކްޝަން ތުރިލާއެކެވެ. ބެލުންތެރިންގެ ބޮޑު މަގުބޫލު ކަމެއް ހޯދި މި ފިލްމް އަކީ އަަހރުގެ މިހާތަނަށް އެންމެ ކާމިޔާބު ފިލްމްވެސް މެއެވެ.
"ޕަތާން" ގެ ކާސްޓްގައި ދީޕިކާ ޕަދްކޯނާއި ޖޯން އަބްރަހަމް ވެސް ހިމެނެއެވެ. މި ފިލްމް ވަނީ ތިން ބަހަކުން ނެރެފައިއެވެ. އެއީ ހިންދީ ބަހުގެ އިތުރުން ޓެމިލް އަދި ޓެލުގޫ ބަހުންނެވެ.
މި ފިލްމް އެމެޒޯން ޕްރައިމް އިން ބަލާލެވޭނެ ކަމަށް ފިލްމް ގެ ލީޑުން ފެނިގެންދާ ޝާހްރުކް ވަނީ ސޯޝަލް މީޑިއާގައި ވެސް ހިއްސާކޮށްފައިވެ އެވެ. އަދި ބޮޑު ސްކްރީނުގައި ދެއްކި އިރު، ނުހިމެނޭ ބައެއް މަންޒަރުތައް ވެސް ސްޓްރީމިންގައި ހިމެނޭނެ އެވެ.
ކޮމެންޓު ފޮނުވާ