މޯލްޑިވިއަން އައިޑަލް އިން ވިދާލި ލަވަކިޔުންތެރިޔާ މުހައްމަދު ޝަމްވީލް (ބެރޯ) ގެ ފަސް ވަނަ "ލަވް މެޝަޕް" ލަވައިގެ ވީޑިއޯއަށް ބެލުންތެރިންގެ ބޮޑު ތަރުހީބެއް ލިބިއްޖެ އެވެ.
މިމަހު 15 ވަނަ ދުވަހު ރިލީޒްކުރި މި ވީޑިއޯ، މީގެ ކުރިން ޝަމްވީލް ނެރެފައިވާ ވީޑިއޯތަކަށްވުރެން ތަފާތުވެފައި ފުރިހަމަ އެވެ. އެންމެ ފަހުން އޭނާ ނެރުން ވީޑިއޯ ލަވަ "ލަކުނެއް ކަލާ މޫނުގައި" ވެސް ވެގެން ގޮސްފައިވަނީ ބޮޑު ތަރުހީބެއް ލިބިގެން ދިއަ ލަވައަކަށެވެ.
ޔޫޓިއުބްގައި ޕްރިމިއާ ކުރި އެ ވީޑިއޯއަށް، އެއް ދުވަސްތެރޭ ވަނީ 6،000 ގާތްކުރާ އަދަދަކަށް ވިއުސް ލިބިފަ އެވެ. އަދި މިއަދާ ހަމައަށް 20،000 ވިއުސް ވަނި އެ ލަވައަށް ލިބިފައިއެެވެ. "ލަވްމެޝަޕް 05″ގެ ވީޑިއޯއިން ޝަމްވީލް އަދި އިބްނާގެ އިތުރުން، އިތުރު ތަރިންތަކެއް ފެނިގެންދެއެވެ.
“ލަވްމެޝަޕް 05″ ގައި ހިމަނާފައި ވަނީ "ހާދަ އެދެން ކައިރިން ގެންދަން"، "ހައިރާންވޭ ސޫރަވަނީއޭ"، "އެ ކީއްވެހޭ ނިވާވުމުންނެ ހަނދު ފިލީ"، ޤިޔާމަތު ޤިޔާމަތު"، "ލޯބިން ތިޔަ އަތުގާ ބީހިލީމަ، އަދި "ބޯ ވެހޭ ވާރެޔާ އެވެ. ކުރީގެ މި މަގުބޫލު ލަވަތަކާއި އެކުގައި މި ލަވަިއގައި ތަފާތު ނެށޑުމެއްވެސް ވަނީ ފެނިގެން ގޮސްފައިއެވެ.
މޯލްޑިވިއަން އައިޑަލް ސީޒަން 2 އަށް ފަހު ޝަމްވީލްގެ ގިނަ ލަވަތަކެއް އަންނަނީ ނެރެމުންނެވެ. އޭގެ ތެރެއިން، އޭނާ އެންމެ ބޮޑު މަގުބޫލުކަމެއް ހޯދާފައި ވަނީ "ލަވް މެޝަޕް"ގެ ނަމުގައި ގެނެސްދެމުން އަންނަ ލަވަތަކަށެވެ.
އެކްޓަރު މުހައްމަދު ފައިސަލް ޑައިރެކްޓުކޮށްފައިވާ އެ ލަވައިގެ ވީޑިއޯގެ ސިނަމަޓޯގްރަފީގެ މަސައްކަތް ކުރީ އަރަމުން އަންނަ ސިނަމަޓޯގްރާފަރު އިބްރާހިމް ޝުޖާއު (ޖަންކީ) އެވެ. އަދި ކޮރިއޮގްރަފީ ހެދީ ކުޑަ ރިޗާރޑް (ޝަރަފް) އެވެ. ކެމެރާކުރި ސުޖާ (ޖަންކީ) އެވެ.
