އެމެރިކާގެ ކުރީގެ ރައީސް ޑޮނަލްޑް ޓްރަމްޕް ޔޫޓިއުބުގައި ހިންގަމުންއައި އޭނާގެ އަމިއްލަ ޗެނަލް ސަސްޕެންޑް ކޮށްފައި އޮންނަތާ 2 އަހަރަށްފަހު، ޔޫޓިއުބުގެ ވެރިފަރާތް ކަމުގައިވާ އަލްފަބެޓް އިންކްއިން ޓްރަމްޕްގެ ސަސްޕެންޝަން ނިމުމަކަށް ގެނެސްފިއެވެ.
ޔޫޓިއުބުއިން ޓްރަމްޕް ސަސްޕެންޑް ކުރީ، 6 ޖެނުއަރީ 2021 ގައި އޭނާގެ ސަޕޯޓަރުން އެމެރިކާގެ ގާނޫނުހަދާ މަޖިލީހަށް ދިން ހަމަލާތަކަށް ފަހުއެވެ.
ޔޫޓިއުބުން ޓްރަމްޕްގެ ސަސްޕެންޝަން އުވާލުމާއެކު، 2024ގެ އެމެރިކާގެ ރިޔާސީ އިންތިޚާބަށް މިހާރުވެސް ކެމްޕޭން ކުރައްވަމުން ގެންދަވާ ޓްރަމަށްއަށް ދުނިޔޭގެ އެންމެ ބޮޑު 3 ސޯޝަލް ޕްލެފޯމުގައިވާ އެނާގެ 146 މިލިއަން ފޮލޯވަރުންނާއި ހަމައަށް ސޯސަލް މީޑިއާގެ ވަސީލަތް މެދުވެރިކޮށް ވާސިލްވެވި، ސިޔާސީ ހަރަކާތްތަތަކަށް ފަންޑް ރެއިޒް ކުރުމުގެ ފުރުސަތު ލިބިގެން ދާނެއެވެ.
"ރިޔާސީ އިންތިޚާބަށް ކެމްޕޭން ކުރަމުންދާ ހުރިހާ ކެނޑިޑޭޓުންގެ އަޑުވެސް ހަމަހަމަކާއެކު ގެނެސްދިނުމަށް ސަމާލު ކަންދެމުން، އުފެދިގެން ހިގައިދާނެ ހަމަނުޖެހުމަކާއި ގުޅޭގޮތުންވެސް ވަރަށް ބޮޑަށް ދިރާސާ ކޮށްފައި ވާނެ،" ޓްރަމްޕްގެ ސަސްޕެންޝަން އުވާލުމާއި ގުޅޭގޮތުން ޔޫޓިއުބުން ކުރި ޓުވީޓެއްގައި ބުނެފައި ވެއެވެ.
މެޓަރ ޕްލެޓްފޯމް އިންކްއިންވެސް ވަނީ އިންސްޓަގްރާމްއިންނާއި ފޭސްބުކުއިން ޓްރަމްޕް ސަސްޕެންޑް ކޮށްފައި އޮތްއޮތުން މިއަހަރު ކުރީކޮޅު ނިމުމަކަށް ގެނެސްފައެވެ. އަދި ޓުވިޓަރއިންވަނީ ފާއިތުވި އަހަރު ނޮވެމްބަރުމަހު ޓްރަމްޕްގެ ސަސްޕެންޝަން އުވާލާފައެވެ.
ޔޫޓިއުބު ޗެނަލްއިން 2 އަހަރަށްފަހު ޓްރަމްޕްގެ ސަސްޕެންޝަން އުވާލުމާއި ގުޅޭގޮތުން އޭނާގެ ކެމްޕޭން ޓީމުން އެއްވެސް ކޮމެންޓެއް އަދި ކޮށްފައެއް ނުވެއެވެ.
ޓުވިޓައިން އޭނާގެ ސަސްޕެންޝަން އުވާލުމަށްފަހުވެސް ޓްރަމްޕް އެ ޕްލެޓްފޯމު ބޭނުން ކުރައްވަން ފައްޓަވާފައެއް ނުވެއެވެ. އޭގެ ބަދަލުގައި ޓްރަމް ގެންދަވަނީ 2021 ވަނަ އަހަރު އޭނާ އުފެއްދި އަމިއްލަ "ޓްރޫތު ސޯޝަލް" ބޭނުން ކުރައްވަމުންނެވެ. ޓުވިޓަރއާއި އެއްގޮތަކަށް މަސައްކަތް ކުރާ މި ޕްލެޓްފޯމުގައި ތިބެނީ ޓްރަމްޕްގެ 5 މިލިއަން ފޮލޯވަރުންނެވެ.
