އދ.ދިއްދޫ ކައުންސިލްގެ ރައީސް އިންތިޚާބުކުރަށް ބާއްވާ ބައި-އިލެކްޝަންގެ ވޯޓުލުން ފަށައިފިއެވެ.
ދިއްދޫ ކައުންސިލް ރައީސް އިންތިޚާބު ކުރުމަށް ބައި އިލެކްޝަން ބާއްވަނީ އެކައުންސިލް ރައީސް މަޤާމުން އިސްތިއުފާ ދެެއްވުމާއި ގުޅިގެންނެވެ. މި އިންތޚާބުގެ ވޯޓުލުން މިއަދު ހެނދުނު 8:00 އިން ހަވީރު 4:00 އަށް ދިއްދޫގައާއި މާލޭގައި ކުރިއަށްދާނެއެވެ.
އދ.ދިއްދޫ ކައުންސިލްގެ ރައީސް އިންތިޚާބު ކުރުމަށް ބާއްވާ ބައި-އިލެކްޝަނުގެ ތެރެއިން އދ.ދިއްދޫ ސްކޫލުގައި ޤާއިމްކޮށްފައިވާ ވޯޓުލާ މަރުކަޒުގައި ވޯޓުލުން ކުރިއަށްދަނީ. ވޯޓުލުން ކުރިއަށް ދާނީ ހެނދުނު 08:00 އިން ހަވީރު 04:00 އަށް pic.twitter.com/ncbCljUdOn
— Elections Commission (@ElectionsMv) March 18, 2023
މާލޭގައި ވޯޓުލުން ކުރިއަށްދާނީ މަޖީދިއްޔާ ސްކޫލޫގައެވެ. ދިއްދޫގައި ވޯޓުލުން ކުރިއަށްދަނީ ދިއްދޫ ސްކޫލުގައެވެ. މިއިންތިޚާބުގައި ވާދަކުރަނީ އަމިއްލަ ގޮތުން ވާދަކުރާ ދެކެނޑިޑޭޓުންނެވެ.
ދިއްދޫ ކައުންސިލް ރައީސް އިންތިޚާބު ކުރުމަށް ބައި އިލެކްޝަން ބާއްވާއިރު، އެކައުންސިލްގެ މެމްބަރަކު އިސްތިއުފާ ދީގެން އިންތިޚާބު ބޭއްވުމުގެ މަސައްކަތްވެސް އިލެކްޝަންސް ކޮމިޝަނުން ދަނީ ކުރަމުންނެވެ.
