ގުރައިދޫ ދާއިރާގެ ރައްޔިތުން ތިބީ މަރުހޫމް އަލް އުޘްތާޒު އިބްރާހީމް ރިޒާގެ ޢާއިލާއިން ނިންމާ ކޮންމެ ނިންމުމަކާއިއެކު ކުރިޔަށްދާން ތައްޔާރަށް ކަމަށް ޕްރޮގްރެސިވް ކޯލިޝަން ހިންގުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް ވިދާޅުވެއްޖެއެވެ.
މަރުހޫމް ރިޒާގެ ހަނދާނުގައި މިރޭ ގުރައިދޫގައި ބޭއްވި ތައުބީންގެ ޖަލްސާގައި އަބްދުއްރަހީމް ވަނީ ވާހަކަ ނިންމަވާ ލައްވަމުން ގުރައިދޫ ދާއިރާގެ މަޖިލިސް އިންތިޚާބާއި ގުޅޭގޮތުން ކުޑަ ވާހަކައެއް ހިއްސާ ކުރައްވާފައެވެ. އޭނާ ވިދާޅުވީ ރިޒާ އަވަހާރަ ވުމުން ދާއިރާގެ ތިން ރަށަށް ރައީސް ޔާމީން އެދިވަޑައިގެން ދަތުރު ކުރެއްވި ކަމަށެވެ. މިދަތުރުގައި ގުރައިދޫ ދާއިރާގެ ރައްޔިތުންނަށް ރިޒާ ވަކިވެ ދިއުމުން ކޮށްފައިވާ ފުން އަސަރު ފެނިގެން ދިޔަކަމަށެވެ.
ރިޒާ އެދާއިރާއަށް ކޮށްދެއްވި ޚިދުމަތާއި، މީހުންނާއި ބެހެއްޓެވި ގާތްކަމާއި، މަސައްކަތުގައި ގެންގުޅުއްވި ހަރުދަނާ ސިޔާސަތަކީ މަޖިލީހުގެ ތިން ދައުރަށް ގުރައިދޫ ދާއިރާގެ ރައްތޔިތުން ރިޒާ އިންތިޚާބު ކުރި ސަބަބުކަމަށެވެ. އަދި ރިޒާ ވަކިވެގެން ދިއުމުން ދާއިރާގެ ރައްޔިތުންނަށް ލިބިފައިވާ ފުން ހިތާމައިގެ މިވަގުތުގައި އާއިލާއިން ނިންމާ ކޮންމެ ނިންމުމަކާއިއެކު ކުރިއަށްދާން ގުރައިދޫ ދާއިރާގެ ތިން ރަށުގެ ރައްޔިތުން ތިބިކަމަށް ރިޒާ ވިދާޅުވިއެވެ.
އަލްއުސްތާޛު އަލްމަރްޙޫމް އިބްރާހީމް ރިޟާގެ ތަޢުބީންގެ ޖަލްސާ pic.twitter.com/PsBJuTFoJX
— Progressive Party of Maldives (@ProgressPartyMV) March 10, 2023
ގުރައިދޫ ދާއިރާއަށް ޕީޕީއެމްގެ ޓިކެޓު، މަރުހޫމް ރިޒާގެ ކޮއްކޮ، ޙުސައިން ރިޒާއަށް ވަނީ ލިބިފައެވެ. އެހެން ކަމުން އަންނަ އޭޕްރީލް މަހުގެ 15ގައި ބާއްވަން އިލެކްޝަންސްގައި އެދާއިރާއަށް އިދިކޮޅު ޕީޕީއެމް ޓިކެޓްގައި ވާދަކުރާނީ ރިޒާގެ ކޮއްކޮއެވެ.
އަބްދުއްރަހީމް ވިދާޅުވީ މަރުހޫމް އިބްރާހީމް ރިޒާއަކީ ޤާނޫނީ ވަކީލެއްގެ ގޮތުގައާއި، އެނޫން ގޮތްގޮތުންވެސް މުޅި ދައުލަތަށް ޚިދުމަތް ކޮށްދެއްވި ޚިދުމަތް ތެރިއެއްކަމަށެވެ. ހަމަ އެކަނި ގުރައިދޫ ދާއިރާގެ މެމްބަރުކަން ކުރެއްވުމުގެ އިތުރުން އެމަނިކުފާނުގެ ޚިދުމަތް އެކި ރޮގުރޮގުން ޤައުމަށް ލިބިގެން ގޮސްފައިވާކަމަށް އޭނާ ވިދާޅުވިއެވެ.
މަރުހޫމް ރިޒާގެ ހަނދާނުގައި ތައުބީންގެ ޖަލްސާއެއް ބޭއްވުމަކުން އެމަނިކުފާނު ކޮށްދެއްވާފައިވާ ޚިދުމަތުގެ އަގު ވަޒަން ނުކުރެވޭނެ ކަމަށާއި، ގުރައިދޫ ދާއިރާގެ ތިން ރަށުގެ ފަސްގަނޑުން ރިޒާގެ ހަނދާންތައް ތާއަބަދު ފެނިގެންދާނޭހެން މަސައްކަތް ބައްޓަން ކުރުމަކީ މުހިންމު ކަމެއްކަމަށް އަދުރޭ ވިދާޅުވިއެވެ.
ރިޒާ އަވަހާރަ ވުމުން އެކަމުގެ އެންމެ ބޮޑު ހިތާމައެއް ލިބިވަޑައިގެންނެވި އެއްބޭފުޅަކީ ރައީސް ޔާމީން ކަމަށް އަދުރޭ ވިދާޅުވިއެވެ. ޖަލުގައި ހުންވައި ގާނޫނީ ވަކީލުން މެދުވެރިކޮށް އެމަނިކުފާނު ފިނުއްވި މެސެޖާއި ދެއްވި އިރުޝާދާއި އެއްގޮތަށް މިހާތަނަށް އަމަސައްކަތް ކުރައްވާފައިވާނެކަމަށް އޭނާ ވިދާޅުވިއެވެ. އަދި މިހިތާމާގައި އެމަނިކުފާނުގެ ޤާނޫނީ ވަކީލުން މެދުވެރިކޮށް ބައްދަލުވާ ކޮންމެ ފަހަރަކު ރިޒާގެ ޢާއިލާއަށް ހިތްވަރު ދެއްވުމަށާއި، ގުރައިދޫ ދާއިރާގެ ރައްޔިތުންނަށް ހިތްވަރު ދެއްވުމަށް ކެނޑިދޭޅި ދަންނަވުން ދާކަމަށް އަދުރޭ ވިދާޅުވިއެވެ.
ގުރައިދޫ ދާއިރާގެ ގިނަ އަދަދެއްގެ ރައްޔިތުން ބައިވެރިވި މިޖަލްސާގައި، ވަނީ ރިޒާގެ ހަނދާނުގައި ހަމަހިމޭންކަމުގެ ސުކޫތެއްވެސް ގެނެސްފައެވެ. އިދިކޮޅު ޕީޕީއެމްގެ މެމްބަރެއްގެ ގޮތުގައި މަޖިލިސް ތަމްސީލުކުރައްވަމުންް ގެންދެވި ރިޒާއަކީ މަޖިލީހުގައި އެންމެ ގިނަ ދުވަސްވީ އެއް މެމްބަރެވެ. ރިޒާ ވަނީ، ނިމުނު 3 ދައުރުގައިވެސް މެންބަރުކަން ކުރައްވާފައެވެ. ރިޒާ ގެންދެވީ މަޖިލީހުގެ ޖުޑިޝަރީއާއި، މިނިވަން މުވައްސަސާތަކުގެ ކޮމިޓީގެ މެންބަރުކަންވެސް ކުރައްވަމުންނެވެ.
ޤާނޫނީ ވަކީލުކަންވެސް ކުރައްވަމުން ގެންދެވި ރިޒާ ވަނީ ރައްޔިތުން މަޖިލީހުގެ މިދިޔަ ދައުރުގައި އެމަޖިލީހުން ޖޭއެސްސީއަށްް ކަނޑައެޅުއްްވި މެމްބަރުގެ ގޮތުގައި އެ ކޮމިޝަންގައިވެސްް މަސައްކަތް ކުރައްވާފައެވެ. އަދި ޖޭއެސްްސީގެ ނައިބު ރައީސްގެ މަޤާމުވެސް ރިޒާވަނީ ފުރުއްވާފައެވެ.
