ގޭތެރޭގެ މައްސަލަތަކުގައިވެސް އަދި އޮފީސް މާހައުލުގަވެސް ދިމާވާ މައްސަލަތަކުގަ ވަރަށް ގިނަ އަންހެން ކަނބަލުންނަށް އަޑު އުފުލަން ނުކެރި، ވާހަކަ ދައްކަން ނުކެރި، ނުވަތަ އެހެން މީހަކާ ހިއްސާކުރަން ނުކެރޭ ވަރަށް ގިނަ ވަގުތުތައް ދާކަމަށާއި، ކަމަކަށް ނުކުމެއްޖެނަމަ އަންހެން ކަނބަލުންނަށް އެހީވާނެ ފާރާތްތައް މިއަދު ވަރަށް މަދުކަމުގައި، ޖުމުހޫރީ ޕާޓީގެ ޑެޕިއުޓީ ލީޑަރ އަދި ޓްރާންސްޕޯޓު މިނިސްޓަރ އައިޝަތު ނަހުލާ ވިދާޅުވެއްޖެއެވެ.
އިއްޔެ ފާހަގަ ކުރެވުނު، ބައިނަލްއަގުވާމީ އަންހެނުންގެ ދުވަސް ފާހަގަ ކުރުމުގެ ގޮތުން ކުނޫޒުގައި ބޭއްވުނު ޚާއްސަ ހަފްލާއެއްގައި ވާހަކަ ދައްކަވަމުން ނަހުލާ ވިދާޅުވީ، އެހެންނަމަވެސް ﷲ ތަޢާލާ ވިހެއުމުގެ ނިއުމަތް ދެއްވީ އަންހެން ކަނބަލުންނަށް ކަމަށާއި، އެއީ ވަރަށްބޮޑު ބުރައެއް ކަމަށާއި، އެއީ ވަރަށް ތަދުވާ ހިދުކޮޅެއް ކަމަށާއި، އެ ގަޑިއަށް އަންހެންކަނބަލުންނަށް ކެތް ކުރެވޭނަމަ ދެން ކުރިމަތި ނުލެވޭންވީ އެހެންކަމެއް ނޯންނާނެ ކަމަށެވެ.
އަޅުގަޑު ދަންނަވާލަން ބޭނުންވަނީ ﷲ ތަޢާލާ ވިހެއުމުގެ ނިއުމަތް ދެއްވީ އަޅުގަޑުމެންނަށޭ، ވަރަށް ބޮޑު ބުރައެކޭ، ވަރަށް ބޮޑު ތަކުލީފެއް، ވަރަށް ތަދުވާ ހިނދުކޮޅެކޭ، އެ ގަޑިއަށް އަޅުގަޑުމެންނަށް ކެތް ކުރެވެންޏާ ދެން ކޮންކަމަކާހޭ ކުރިމަތި ނުލާންވީ! ނުލެވޭންވީ! ކުރިމަތި ލާށޭ!
ރޭގެ ހަފްލާގައި ވާހަކަ ދައްކަވަމުން ނަހުލާ ވިދާޅުވިއެވެ.
ނަހުލާ އިތުރަށް ވިދާޅުވީ އަންހެން ކަނބަލުން ތިބޭންވީ އަންހެން ކަނބަލުންގެ ފަހަތުގައި ކަމަށާއި، ސަބަބަކީ ވަޒީފާގެ މާހައުލުގަވެސް އަދި އަމިއްލަ މަސައްކަތުގައިވެސް އަންހެން ކަނބަލުންނަށް އެހީވާނެ ފަރާތްތައް މަދުވުމެވެ. އަދި ނަހުލާ ވިދާޅުވީ ދުނިޔޭގެ ނިސްބަތުން ބެލިކަމުގައިވި ނަމަވެސް ރާއްޖޭގެ އަންހެނުންގެ ނިސްބަތް މާބޮޑަށްވެސް ގިނަ ކަމުގައެވެ.
އަދި އޭނާވަނީ މިންތީގެ ހަމަހަމަ ކަމަށް މަސައްކަތް ކުރަން ޖެހޭ ކަމަށް ވިދާޅުވެ، އެކަން ގަބޫލު ކޮށް، އެ ޖާގަ އަންހެނުންނަށް ދިނުމަށްވެސް ގޮވާލައްވާފައެވެ.
އަޅުގަނޑުމެންގެ ވިސްނުމާއި، އަޅުގަނޑުމެންގެ ބަސް ކަންތައްތައް ނިންމުމުގައި، ޕޮލިސީ މޭކް ކުރުމުގައި ހިމަނަން އެބަ ޖެހެޔޭ، އެއީ މުހިންމު ކަމެކޭ. އޭގެ ސަބަބުން އަންނަން އޮތް ޖީލުތަކަށް އޭގެ ފައިދާ ކުރާނެއޭ.
ރޭގެ ހަފްލާގައި ވާހަކަ ދައްކަވަމުން ނަހުލާ ވިދާޅުވިއެވެ.
އިއްޔެ ފާހަގަ ކުރެވެނު ބައިނަލްއަގުވާމީ އަންހެނުންގެ ދުވަސް ފާހަގަ ކުރުމުގެ ސަރުކާރުގެ ބައެއް އިދާރާތަކުންނާއި، އަދި ސިޔާސީ ޕާޓީތަކުންވެސް ވަނީ ބައެއް ހަރަކާތްތައް ހިންގާފައެވެ.
ކޮންމެ އަހަރެއްގެ ވެސް މާޗް މަހުގެ 8 ވަނަ ދުވަހަކީ ބައިނަލް އަގުވާމީ އަންހެނުންގެ ދުވަހުގެ ގޮތުގައި ދުނިޔޭގެ އެކި ކަންކޮޅުތަކުން އަންހެނުން ހޯދާ އިޖުތިމާއީ، އިގްތިސާދީ، ސަގާފީ އަދި ސިޔާސީ ކާމިޔާބީތައް ފާހަގަކުރުމުގެ ގޮތުން ފާހަގަކުރާ ދުވަހެކެވެ.
އަދި ޖިންސުގެ ހަމަހަމަކަން، އަންގައިދިނުމާއި އެ ލަނޑުދަނޑިތައް ހާސިލްކުރުމަށް އެޅިދާނެ ފިޔަވަޅު އެޅުމަށް ގޮވާލުމުގެ މައްޗަށް ވެސް މި ދުވަސް އަލިއަޅުވާލާއިފައި ވެއެވެ. މިއަމާޒަށް ވާޞިލުވުމަށް ޙަރަކާތްތަކާއި، މަޝްވަރާތަކާއި، ހޭލުންތެރިކުރުމުގެ ކެމްޕެއިންތައް ވެސް މިދުވަހުގައި ދުނިޔޭގެ އެކި ކަންކޮޅު ތަކުގައި ބާއްވައެވެ.
މިއަހަރުގެ ބައިނަލްއަގުވާމީ އަންހެނުންގެ ދުވަހުގެ ޝިއާރަކީ، "އަންހެނުން ބާރުވެރިކުރުވުމާއި ހަމަހަމަކަން ގާއިމް" ކުރުމެވެ.
One Response
އެހެންދޯ
ކަލޭ ތިހިރީ ވިހާފަ ކަން އެންމެންނަށް އަންގާލީ
ބަލަ ކޮންމެ އަންހެނަކުވެސް ޕީރިއަޑް ވާނެ ވިހާނެ
ތީ އާ ކަމެއް ނޫން