ތިބާގެ ހަޔާތުގައި ލޯބިވެރިއަކު ހުރިނަމަ އެހެން މީހަކާ މެދު ޝައުގުވެރިކަން އުފެދިގެން ނުވާނެ އެވެ. މީހަކާ ލޯބީގެ ގުޅުމެއް ބާއްވައި ކަމުގައި ވަނީ ނަމަ އިތުރު އަންހެނުން ހިތަށް ގެނެސް އެމީހުންނާއި އެކުގައި ހުވަފެންތަށް ދެކެން ބޭނުންވާނެ މީހެއް އުޅޭނެ ހެން ހިޔެއްނުވެއެވެ.

ހިތްގައިމު މީހުންނާ ދިމާވުމުން އެމީހުންގެ އަގު ވަޒަން ކުރެވިދާނެ ކަމުގައި ވިޔަސް، އެއަށްވުރެ މާދުރަށް ދިއުމަކީ އިންޒާރުގެ ރަތްބޮކި ދިއްލޭ ދިއްލުމަކަށް ވެދާނެ އެވެ. މި ލަފުޒު ކިތަންމެ ވަރަކަށް މާނަ ކުރިޔަސް، ގެއްލުމެއް ނެތް ކްރަޝްއަކާއި މަކަރާއި ހީލަތް ހެދުމުގެ މެދުގައި ވަނީ ނާޒުކު ލަފުޒެކެވެ.

ލޯބީގެ ގުޅުމަކީ ގިނަފަހަރަށް މަޑުމަޑުން ޒަމާނާ އެއްގޮތަށް ތަރައްޤީވަމުން އަންނަ ގުޅުމެއް ކަމަށްވާތީ، ރަނގަޅު ކަމަކަށް ވިޔަސް، ނުވަތަ އެއަށްވުރެވެސް ގޯސްކޮށް ވިޔަސް، އޭގެ ކުދިކުދި ބަދަލުތަކަށް އަބަދުވެސް ހޭލުންތެރިވާންޖެހެއެވެ.

މިތާނގައި މި ގެނެސްދެނީ ތިމާގެ ބައިވެރިޔާ ތިބާއާއި ގުޅުން ބަދަހި ކުރަމުން އަންނަ އިރުގައި އެހެން މީހަކާމެދު ވިސްނަމުންދާކަމުގެ 4  ނިޝާންނެއް ކިޔައިލަ ދޭނަމެވެ.

ދިރިއުޅުމުގެ ވައްޓަފާޅިއަށް އަންނަ ބަދަލުތައް

ހާއްސަކޮށް އެމީހުންގެ ރޫޓިންއަށް ބޮޑު ބަދަލެއް އައިސްފައިވާ ނަމަ ބައިވެރިޔާ އާދަޔާ ހިލާފަށް އަމަލުކުރަން ފަށައިފިނަމަ ހަނދާން ނައްތާލަން އުނދަގޫވާނެ އެވެ. މިސާލަކަށް ގިނަގިނައިން ކަސްރަތު ކުރުމަކީ ހަމައެކަނި އެމީހެއްގެ ސިފައާ މެދު ކަންބޮޑުވާ މީހެއް ކަމަށް ފެނިއްޖެނަމަ މީހަކު ތިބާއަށް އިމްޕްރެސް ކުރަން އުޅޭކަމުގެ އިޝާރާތަކަށް ވެދާނެއެވެ. މީގެ އިތުރުން ބައިވެރިޔާ އޮފީހުގައި ގަވާއިދުން ގިނަ ވަގުތު މަސައްކަތް ކުރާތަން ފެނިއްޖެނަމަ މިއީ ރަތް ދިދައަކަށް ވެސް ވެދާނެ އެވެ.

ވަކިވެފައިވާ ނުވަތަ އެކަނިވެރިވާ އެކުވެރިންނާއެކު ގިނަވަގުތު ހޭދަކުރުން

ލޯބިވެރިޔާ އެހެން މީހަކާ މެދު ވިސްނަމުންދާނަމަ ގިނައިން ބޭރަށް ނުކުތުމަކީ އިޝާރާތަކަށް ވެދާނެ އެވެ. ގިނަ ވަގުތު ބޭރުގައި ހޭދަކޮށް، ގިނަ ވަގުތު ބޭރަށް ނުކުމެ އުޅޭނަމަ އާއިލީ ދިރިއުޅުމުގެ ކޮންމެވެސް ކަމަކާ މެދު ހިތްހަމަ ނުޖެހިދާނެއެވެ. އެމީހުންގެ ރިލޭޝަންޝިޕް ސްޓޭޓަސް އަށް ބެލުމެއް ނެތި، ރަނގަޅު ގުޅުމެއްގައި އުޅޭނަމަ، ތިމާއަށް ނޭނގޭ މީހުންނާ ރައްޓެހިވުމުގެ ހުއްދަ ބައިވެރިޔާއަށް ދީފައި ވީނަމަވެސް، އެމީހުންނަށްޓަކައި ތިބާގެ ވަގުތު ގުރުބާންކުރާނަމަ އެއީ މައްސަލައެއް ކަމަށް ވެދާނެއެވެ.

ރޮމޭންޓިކް ގޮތުން އެމީހުން ބައިވެރިވާ މިންވަރު މަދު

އެކި މީހުންގެ ކިބައިގައި ހުންނާނީ އެކިވަރަށް ރޮމޭންޓިކް ހަކަތައާއި ހިތްވަރު ހުރެއެވެ. އެހެންކަމުން ތިބާގެ އެކުވެރިޔާ ތިބާއަށް ދޭ ސަމާލުކަން ކުޑަކޮށް، އެމީހުންގެ ވަގުތާއި ފޯކަސް އެހެން މީހަކަށް ހޭދަކުރާތަން ފެނިއްޖެނަމަ އެމީހަކާމެދު އެމީހުން ވިސްނާފާނެއެވެ. ދެމީހުން ގުޅުން ކުރިއަށް ގެންދާނަމަ ދެމީހުންގެ ބައިވެރިވުން ވެސް ވަރަށް މުހިންމެވެ.

އެންމެ ރަނގަޅު ގޮތަކީ މިއިން އެއްވެސް އިންޑިކޭޓަރެއް ފެނިއްޖެނަމަ މިކަންކަމާ މެދު ބައިވެރިޔާއާ ފާޅުގައި މަޝްވަރާ ކުރުމެވެ. އެމީހުން މިހާރުވެސް ދޮގު ހަދާކަމަށް ހީކޮށްފިނަމަ އެކަމަށް ބޭނުންވާ ވަރަށްވުރެ ގޯސްވެދާނެއެވެ. ޙުކުމްކުރުމުގެ ބަދަލުގައި އެމީހުންގެ ގާތަށް ދާއިރު މަޑުމައިތިރިކަމާއި ސަމާލުކަން ދޭށެވެ.