ކާޑު ބޭނުންނުކޮށް އިސްލާމިކް ބެންކުގެ އެކައުންޓަށް ފައިސާ ޖަމާކުރެވޭ އޭޓީއެމްގެ އަދަދު އެ ބެންކުން މާލޭގައި އިތުރު ކޮށްފިއެވެ.
މީގެ ކުރިން އެމް.އައި.ބީން މި ޚިދުމަތް ދެމުން އައީ ހަމައެކަނި، މުލިއާގެ ކައިރީހުންނަ އެ ބެންކުގެ މައި އޮފީހުގައި ހުންނަ އޭޓީއެމް ތަކުންނެވެ. ނަމަވެސް މިހާރު އަމީނީމަގު އަމީނީ ބިލްޑިންގ ގައި ހުންނަ އެ ބެންކުގެ އޭޓީއެމާއި އޯކިޑްމަގު ފާމުދޭރިގޭގައި ބަހައްޓާފައި ހުންނަ އޭޓީއެމުން މި ޚިދުމަތް ލިބޭނެކަމަށް އެމް.އައި.ބީން މަޢުލޫމާތުދެއެވެ.
ކާޑު ބޭނުންނުކޮށް އޭޓީއެމުން ފައިސާ ޖަމާކުރުމުގެ ޚިދުމަތަކީ އެމް.އައި.ބީން ރާއްޖެއަށް ތަޢާރަފްކުރި ރާއްޖެއަށް މުޅިން އައު ޚިދުމަތެކެވެ. މި ޚިދުމަތް ހޯދުމަށް ފޯނުނަމްބަރެއް ޖެހުމުން އެނަމްބަރަށް އޯޓީޕީއެއް ލިބޭނެއެވެ. އަދި އޯޓީޕީއާއި އެމް.އައި.ބީގެ އެކައުންޓް ނަމްބަރ ބޭނުންކޮށްގެން އެ އެކައުންޓަށް ފައިސާ ޖަމާކުރެވޭނެއެވެ.
How to deposit cash to other MIB accounts using Mobile OTP. pic.twitter.com/cQ6GvKTuon
— MaldivesIslamicBank (@mibmv) September 2, 2020
މި ޚިދުމަތް ބޭނުންކޮށްގެން އަމިއްލަ އެކައުންޓުގެ އިތުރުން ވިޔަފާރި އެކައުންޓު ތަކަށްވެސް ފައިސާ ޖަމާކުރެވޭނެ ކަމަށް އިސްލާމިކް ބެންކުން މަޢުލޫމާތުދެއެވެ. އެގޮތުން އަމިއްލަ އެކައުންޓަށް ދުވާލަކު ގިނަވެގެން 200,000 (ދެލައްކަ) ރުފިޔާ އަދި ވިޔަފާރި އެކައުންޓަށް ދުވާލަކު ގިނަވެގެން 500,000 (ފަސްލައްކަ) ރުފިޔާ ޖާމާ ކުރެއްވޭނެކަމަށް އެމް.އައި.ބީން ބުނެއެވެ.
މާލޭގައި މިވަގުތުވެސް އެމް.އައި.ބީގެ 9 އޭޓީއެމް ބަހައްޓާފައި ހުރިއިރު މާލެ ސަރަހައްދާއި ރާއްޖޭގެ އެކި ކަނކޮޅުތަކުގައި ޚިދުމަތް ފުޅާކުރުމަށް އެ ބެންކުން ދަނީ މަސައްކަތްކުރަމުންނެވެ. އެގޮތުން ތިލަފުށީގައި އަލަށް އޭޓީއެމްގެ ޚިދުމަތް ނިމިދިޔަ ހަފްތާގައި ދޭން ފަށާފައި ވަނީވެސް އިސްލާމިކް ބެންކުންނެވެ.
ކޮމެންޓު ފޮނުވާ