މިމަހުގެ 6 ދުވަހު އޮލިމްޕަސް ސިނަމާގައި ޕްރިމިއާކުރި ފިލްމް "ބީވީމާ"، މިހާތަނަށް ވަނީ ހައުސްފުލް 15 ޝޯވ ދައްކާފައެވެ. "ބީވީމާ" ޓީމުންމި ފިލްމް ގެ ވަދާޢީ ޝޯވތައް ބޭއްވުމަށް ތައްޔާރުވަމުން އަންނަ ކަމަށް ބުނެފިއެވެ.
މަޝްހޫރު ސްކްރީން ރައިޓަރު އަހުމަދު ޒަރީޒުގެ ފުރަތަމަ ޑައިރެކްޝަން "ބީވީމާ" ގެ ވަދާއީ ޝޯވ ތަށް އޮންނާނީ ބުރާސްފަތި، ހުކުރު އަދި ހޮނިހިރު ދުވަހުގެ ރޭ ކަމަށް ޕްރޮޑިއުސަރު މައުލޫމާތު ދެއެވެ.
ކޮވިޑްގެ ހާލާތު ރާއްޖޭގައި ގޯސްވާން ފެށުމުން އެ އަހަރުގެ މާޗް މަހުގެ ކުރީކޮޅު އޮލިމްޕަސް ބަންދުކުރީ އެތަނުގަައި އަލީ ސީޒަންގެ "އަނދިރިކަން" އަޅުވާފައި އޮއްވަ އެވެ. އޭގެ ފަހުން މިހާތަނަށް އައި އިރު، އެ ސިނަމާގައި އެއްވެސް ފިލްމެއް އަޅުވައިފައެއް ނުވެ އެވެ.
އެފަހުން ސިނަމާ މިހާތަނަށް ބަންދު ކޮށް މަރާމާތަށް ކަމަށްބުނެ ހުޅުވާފައިއެއް ނުވެއެވެ. "ބީވީމާ" އަކީ އޮލިމްޕަސް މަރާމާތު ކުރުމަށްފަހު އޮލިމްޕަހުގައި އަޅުވާނެ ފުރަތަމަ ފިލްމްއެވެ.
"ބީވީމާ" އަކީ މުހައްމަދު އަލީ (މޮގާ) އާއި އޭނާގެ އަންހެނުން އައިޝަތު ފުއާދު ތައުފީގް ޕްރޮޑިއުސްކުރާ ފިލްމެކެވެ. މި ފިލްްމް އަކީ ފިލްމު "ލީނާ" އާއި "އަނދިރިކަން" އަދި "ވީބޭވަފާ" ފަދަ ފިލްމުތަކުގެ ސްކްރީން ޕްލޭ ލިޔެދީފައިވާ މަޝްހޫރު ސްކްރީން ރައިޓަރު އަހުމަދު ޒަރީޒު ފުރަތަމަ ޑައިރެކްޝަންވެސް މެއެވެ.
ފިލްމުގެ ކާސްޓްގައި އަޝްފާގެ އިތުރުން އިސްމާއީލް ރަޝީދު (ކޮޕީ އިއްސެ) އާއި އަރަމުން އަންނަ ޒުވާން ބަތަލާ އައިމިނަތު ރަޝްފާ (އާޝާ) އަދިް އާދަމް ޒިދާން (ނާނަ) ހިމެނެ އެވެ.
ޑާކް ރެއިން އެންޓަޓެއިންމަންޓުގެ "ބީވީމާ"އަކީ ފިލްމު އިޢުލާންކުރި ހިސާބުން ފެށިގެންވެސް ގިނަ ބައެއްގެ ސަމާލުކަން ލިބިގެންދިޔަ ފިލްމެކެވެ.
