ގްރީސްގެ އުތުރުގައި، ދުއްވަމުންދިޔަ ދެ ރޭލެއް މުޑިއަރާ، ހިނގި އެކްސިޑެންޓެއްގައި 29 މީހަކު މަރުވެ އެތައް ބަޔަކަށް އަނިޔާވެއްޖެއެވެ.
ގްރީސްގެ އެމަރޖެންސީ ސަވިސްއިން ހާމަ ކޮށްފައިވާ ގޮތުގައި، އެގައުމުގެ ލަރިއްސާ ސިޓީގެ ކައިރީގައި ހިނގި މި އެކްސިޑެންޓުގެ ސަަބަބުން ރޯވެފައިވާ އަލިފަން ނިއްވާ، އަދި މީހުން ސަލާމަތްކުރުމަށް، ސަލާމަތީ ފަރާތްތަކުން މަސައްކަތް ކުރަމުން ދާކަމުގައެވެ.
ބައެއް މީޑިއާތަކުން ރިޕޯޓު ކޮށްފައިވާ ގޮތުގައި، 350 ޕަސެންޖަރުންނާއެކު ދަތުރު ކުރަމުންދިޔަ ރޭލެއް މުޑި އަރާފައިވަނީ މުދާ ބަރުކޮށްގެން ދަތުރުކުރަމުންދިޔަ ރޭލަކާއެވެ.
ގްރީސްގެ މީޑިއާތަކުން އާންމުކޮށްފައިވާ ވީޑިއޯތަކުން ފެންނަ ގޮތުގައި، ދެރޭލު މުޑިއެރި ހިސާބުން އަލިފާނުގެ ބޯ ދުން އަރަމުންދިޔަތަން ފެންނާން ހުރެއެވެ.
ގްރީސްގެ ފަޔރ ބްރިގޭޑުން ބުނެފައިވަނީ، ރޯވެފައިވާ އަލިފާން ނިއްވުމަށް އަލިފާން ނިއްވާ 17 އުޅަނދަކުން މަސައްކަތް ކުރަމުންދަ ކަމުގައެވެ.
މި އެކްސިޑެންޓު ހިގަން މެދުވެރިވީ ސަބަބެއް އަދި އެއްވެސް ފަރާތަކުން ހާމަ ކޮށްފައެއް ނުވެއެވެ.
ތަފްސީލް އަންނަނީ..
