މިމަހުގެ 22 ވަނަ ދުވަހު އަވަހާރަވެފައިވާ ކ. ގުރައިދޫ ދާއިރާގެ މެމްބަރު އިބްރާހިމް ރިޒާގެ ހަނދާނުގައި ރައްޔިތުންގެ މަޖިލިހުގައި ތަޢުޒިޔާގެ ދަފަތަރެއް ހުޅުވައިފިއެވެ. އަދި މި ތައުޒިޔާގެ ދަފްތަރުގައި ރައްޔިތުންގެ މަޖިލިހުގެ ރައީސް މުހައްމަދު ނަޝީދު އިއްޔެވަނީ ސޮއި ކުރައްވާފައެވެ.

ރިޒާ އަވަހާރަވެފައި ވަނީ، ގިނަ ދުވަސްތަކެއް ވަންދެން ކެންސަރުގެ އާލާސްކަންފުޅުގައި ބަލިވެ އުޅުއްވުމަށްފަހު، މެލޭޝިއާގައި މިމަހުގެ 22 ވަނަ ދުވަހުއެވެ. އަދި ރިޒާގެ ކަށުނަމާދު ވަނީ ފާއިތުވެދިޔަ ހުކުރު ދުވަހު، އިސްލާމީ މަރުކަޒުގައި ވަނީ ޢައިބަށް ކޮށްފައެވެ.

އިދިކޮޅު ޕީޕީއެމްގެ މެންބަރެއް ކަމަށްވާ ރިޒާ ވަނީ 18 ވަނަ ރައްޔިތުންގެ މަޖިލީހުގެ މެންބަރުކަން ވެސް ކުރައްވައިފަ އެވެ. އޭގެ އިތުރުން ކުރީގެ ރައީސް ޔާމީންގެ ސަރުކާރުގައި ޖުޑީޝަލް ސާވިސް ކޮމިޝަން (ޖޭއެސްސީ) ގައި ރައްޔިތުންގެ މަޖިލީހުގެ މެންބަރުންގެ ތެރެއިން ހޮވާ މެންބަރެއްގެ ގޮތުގައި ވެސް ހިމެނިވަޑައިގެންނެވި.

މެންބަރަކަށް ވަޑައިގަތުމުގެ ކުރިން ގާނޫނީ ވަކީލެއްގެ ގޮތުގައިވެސް މަސައްކަތް ކުރެއްވެވި ރިޒާ ވަނީ ނިމިދިޔަ 18 ވަނަ ރައްޔިތުންގެ މަޖިލީހުގެ މެންބަރެއްގެ ހައިސިއްޔަތުން ޖުޑިޝަލް ސާވިސް ކޮމިޝަންގެ މެންބަރުކަން ކުރައްވާފަ އެވެ.

ރިޒާ އަވަހާރަ ވުމާއިގުޅިގެން އެދާއިރާގެ ބައިއިލެކްޝަން އަންނަ އެޕްރިލްމަހުގެ 15ވަނަ ދުވަހު ބާއްވާނެކަން އިލެކްޝަންސް ކޮމިޝަނުން ވަނީ އިއުލާން ކޮށްފައެވެ. އަދި ވެރިކަންކުރާ އެމްޑީޕީން މިހާރުވަނީ، އެދާއިރާގެ ބައި އިލެކްޝަންގެ ޕްރައިމަރީ އަންނަ މަހު 11 ގައި ބޭއްވުމަށް ހަމަޖައްސާފައެވެ.