ތިބާގެ ހުވަފެނުގެ ރާޖާގެ ހުންނަން ބޭނުން ވަނީ ކޮންކަހަ ސިފަތަކެއް ހެއްޔެވެ؟ އިސްކޮޅުން ދިގު މީހެއް ހެއްޔެވެ. ނުވަތަ ހަމުގެ ކުލަ އަލި މީހެއް ހެއްޔެވެ. ނުވަތަ ހަމުގެ ކުލަ އަނދިރި މީހެއް ހެއްޔެވެ. ފަލަ ނުވަތަ ހިކި މީހެއް ހެއްޔެވެ. ކަސްރަތީ ހަށިގަނޑެއްގެ ވެރިއެއް ހެއްޔެވެ.؟ ނުވަތަ ރީތި ހިނިތުންވުމެއް ގެ ވެރި ވިސްނުން ރަނގަޅު އަދި ޕްރޮފެޝަނަލް ހިދުމަތުގައި ރަނގަޅު މުސާރައެއް ލިބޭ ވަޒީފާއެއް ލިބިފައިވާ މީހެެއް ހެއްޔެވެ. ؟

އެޓްރެކްޝަންގެ ގާނޫނުތަކަކީ އަބަދު އިންސާފުވެރި ގާނޫނުތަކެއް ނޫނެވެ. ބައިވެރިއަކު ހޮވާނަމަ ބަލަން ވީ މިހާރުގެ އިމޯޝަނަލް ބެގެޖަށް ފެތޭ ޕާޓްނަރުން ހޮވުމެވެ.  ބައިވެރިން އިޚްތިޔާރު ކުރާ އިރުގައި ބަލަންވީ، ހަލާކުކުރުވަނިވި ވައްޓަފާޅިތަކާ ދުރު އަދި އެކުގައި އުޅެވޭނެ ގާބިލް ބައިވެރިއެއް ހޮވުމަށެވެ.

އަހަރެމެންގެ ބައިވެރިޔާ އެންމެ ފުރަތަމަ ބައްދަލުކުރާއިރު މޭޒުދޮށަށް ގެންނާނެ ރަނގަޅު އަދި ނުބައި ސިފަތައް ޔަޤީންކޮށް ނޭނގުނު ނަމަވެސް، ރިލޭޝަންޝިޕް ޕާޓްނަރެއްގެ ކިބައިން ހޯދަން ބޭނުންވާ ބައެއް ޔުނިވަރސަލް ސިފަތައް އެބަހުއްޓެވެ. އެއްވެސް މީހަކީ ފުރިހަމަ މީހެއް ނޫންކަން ޔަގީނެވެ. ނަމަވެސް ބައިވެރިޔާގެ ކިބައިގައި ހޯދަންޖެހޭ މައިގަނޑު ބައެއް ސިފަތަކަށް ބަލައިލާނަމެވެ.

 އިމޯޝަނަލް މެޗޫރިޓީ

ކޮންމެ މީހަކީވެސް އުނިކަމެއް ހުންނާނެ މީހެކެވެ. އެކަކީވެސް އެބުނާ ޕާފެކްޓް ގެ ހުރިހާ އަކުތަކެއް ހަމަ އަށް ހުރި މީހެއް ނޫނެވެ. ފުރިހަމަކަން ހޯދުމަކީ ބޭކާރު ހޯދުމެކެވެ. އޭގެ ބަދަލުގައި ބައިވެރިޔާގެ ކިބައިން ބަލަންވީ ކަމަކީ ނަފްސާނީ މެޗުއަރިޓީ އެވެ. އޭގެ މާނައަކީ އަމިއްލަ ނަފްސާމެދު ވިސްނައި، އުނގެނުމަށް ތައްޔާރަށް ހުރި، ފާއިތުވި ދުވަސްތަކާމެދު ވިސްނައި، މުސަތގުބަލަށް ވިސްނަމުން އަންނަ މީހެއް ކަމުގައިވުމެވެ.  އެމީހުންނަކީ މިނިވަން އަދި އަމިއްލަ ނަފްސަށް ޔަޤީންކަން ލިބިގެންވާ ބައެކެވެ.

ތެދުވެރިކަން

އޮޅުވާލުމަކީ އާންމުގޮތެއްގައި އެއްވެސް މީހަކު ރުހެ ސިފައެއް ނޫނެވެ. ދޮގު ހެދުމަކީ ވަރަށް ގިނަ ގުޅުންތަށް ހިތާމަވެރި ގޮތެއްގައި ނިމުން އަންނަ ކަމެކެކެވެ.  އަދި ގިން ގުޅުންތަކެއް ކެޑެން މެދުވެިރވާ ސަބަބެއްވެސް މެއެވެ. ބައެއް މީހުން ދެކޭގޮތުގައި ގޮތުގައި ދިރިހުރުމަށް ދޮގު ހަދަން ޖެހޭ އިރު، ދިރާސާތަކުން ދައްކާ ގޮތުގައި ދޮގު ނުހަދާނަމަ ގުޅުންތަށް ރަގަޅުވެ ހަރުދަނާވެއެވެ. ދިރިއުޅުމުގެ ބައިވެރިޔަކު އިޚްތިޔާރު ކުރާއިރު އިތުބާރު ކުރެވޭ ވަރުވުމަކީ ވަރަށް މުހިންމު ކަމެކެވެ. އެމީހެއްގެ ޢަމަލުތައް އެމީހުންގެ ބަސްތަކާ ދިމާވާ މީހެއްތޯ ބަލާށެވެ. އަމިއްލަ ނަފްސުގެ ކަންކަން ސިއްރުކުރާ މީހަކަށް ނުރައްކާތެރިކަމާއި ނުތަނަވަސްކަން އިހުސާސް ކުރުވާނެއެވެ.

އިހުތިރާމް

ބައިވެރިޔާގެ ކިބައިން ހޯދަން ޖެހޭ އެންމެ އަގުބޮޑު އެއް ސިފައަކީ އިހުތިރާމެވެ. ތިމާއަށް ހިތްވަރުދޭ މީހަކު ފެނިއްޖެނަމަ އެ ގުޅުމުގައި އަމާންކަމާއި، ކުރިމަގު އެބައޮތެވެ. އަދި ހަމަ އެހެންމެ އަމިއްލަ ނަފްސުގެ ތެރޭގައި މިނިވަންކަން އިޙްސާސް ކުރެވިގެންވެސް ދެއެވެ.  މީހަކު ހިތްވަރު ދިނުމުން ލޯބި އިހުސާސް ކުރަން ފަސޭހަވާނެ އެވެ. ތިމާގެ ބައިވެރިޔާއާއި ވަކިން، ވަކި ފަރުދެއްގެ ހައިސިއްޔަތުން ތިމާއަކީ ކާކުކަން ދެނެގަތުމުގެ މި އެޓެންޑް ގޮތަކީ، އިހުސާންތެރިކަމާއި އިޙްތިރާމް ކުރާ ގޮތެކެވެ. މީހަކު ތިބާގެ އަގު ވަޒަންކޮށް، ޝައުގުވެރިކަން ހުންނަ ކަންކަމަށް ޝައުގުވެރިކަން އުފެދިއްޖެނަމަ، ހަގީގަތުގައި ވެސް ތިމާގެ ތަފާތު މަސްލަހަތުތައް ކުރިއަށް ގެންދިއުމުގައި ދެމިތިބެ، ހަގީގަތުގައި ވެސް މި މީހާއާ ދިރިއުޅުން ހިއްސާ ކުރެވިދާނެ އެވެ.

މިނިވަންކަން

ގުޅުމަކީ ދެ މީހަކު އެކަކަށް ވާން އޮތް މަގެއް ކަމަށް ވިސްނުމުގެ ކުއް ގިނަ ފަހަރަށް މީހުން ކުރެ އެވެ. ތިމާގެ އައިޑެންޓިޓީ އެހެން މީހަކާ އެއްކޮށްލަން މަސައްކަތް ކުރުމަކީ ހަމައެކަނި ތިމާއަށް ނުބައި ކަމެއް ނޫން ކަމަށާއި އެ ގުޅުމަށް ވެސް ނުބައި ކަމެއްކަން ދަންނާށެވެ. ދެމަފިރިން ރޫޓީންއަށް ވެއްޓި، އެކަކު އަނެކަކަށް އެމީހުންގެ މިނިވަން ޝައުގުވެރިކަން ދޫކޮށްލުމުން ކަންކަން ދަނީ ގޯހުން ގޯހަށެވެ. އަބަދުވެސް އާ ކަންތައްތަކެއް ޓްރައިކޮށްގެން، ރޮމޭންސް އާއި އެޓްރެކްޝަން ދިރުވައި ދެމެހެއްޓުމަށް މަސައްކަތް ކުރާށެވެ.

އެހެން ކަމުން މުޅި އުމުރު ހޭދަ ކުރަން ބޭނުންވާ ބައިވެރިޔާގެ ކިބައިގައި އެންމެ ބޮޑަށް ހުރީ ސިފަތަށް ތޯ ބެލުން ރަގަޅެވެ. ދެން އޭގެ ފަހުން ބޭނުން ނަމަ ބޭރުގެ ސިފަތަކަށް ދިއުން ބުއްދި ވެރިއެވެ.