އެމެރިކާގެ ރައީސް ޖޯ ބައިޑްން ކުއްލި ދަތުރެއްގައި ޔޫކުރެއިންއަށް ވަޑައިގެންފިއެވެ.
މިއީ ޔޫކުރެއިން ހަނގުރާ ފެށުނުފަހުން ބައިޑްން އެގައުމަށް ވަޑައިގެންނެވި ފުރަތަމަ ފަހަރެވެ. ބައިޑްން ޔޫކުރެއިންއަށް ވަޑައިގެންފައި މިވަނީ މި ހަނގުރާމައަށް އެއް އަހަރު ފުރެން އެންމެ 4 ދުވަހަށް ވެފައި ވަނިކޮށެވެ.
ކުރިން އިއުލާން ކުރުމަކާ ނުލާ ޔޫކުރެއިންއަށް ކުރެއްވި ދަތުރުފުޅުގައި ބައިޑް ވަނީ އެގައުމުގެ ފަސްޓު ލޭޑީއާއިވެސް ބައްދަލު ކުރައްވާފައެވެ.
ބައިޑްގެ ދަތުރުފުޅަށްފަހު ޒެލެންސްކީ އޭނާގެ ޓެލެގްރާމް އެކައުންޓުގައި ވިދާޅުވެފައިވަނީ، "ބައިޑްންގެ ކުއްލި ދަތުރުފުޅަކީ، އެމެރިކާއިން ޔޫކުރެއިންއަށް ތާއީދުގެ ފުރިހަމަ ރަމްޒެއް" ކަމުގައެވެ.
ބައިޑްގެ މި ދަތުރުފުޅު ވެގެންދާނީ، އެތައްހާސް އާންމުންނާއި ޔޫކުރެއިންގެ ސިފައިން މަރުވެ، އެތައް މިލިއަން މީހުން ރެފިއުޖީންނަށްވެ، އަދި އެތައް ބިލިއަން ޑޮލަރެއްގެ ގެއްލުން ޔޫކުރެއިންއަށް ލިބިގެން ގޮސްފައިވާ މި ހަމގުރާމައިންން ޔޫކުރެއިން ތަހައްމަލް ކުރަމުންދާ ގެއްލުންތައް ހަމަލޮލުން ދެކިލުމަށް ބައިޑްއަށް ލިބިގެންދާނެ ފުރުސަތެކެވެ.
ބައިޑްން ޔޫކުރެއިންއަށް ވަޑައިގެންނެވިއިރު، ރަޝިއާގެ މިސައިލް ހަލާތާކާއި ގުޅިގެން، ވެރިރަށް ކީވްވެސް ހިމެނޭގޮތުން، މުޅީ ޔޫކުރެއިންގައިވަނީ ރެއިޑް އެލާޓް ގެނެސްފައެވެ.
ފާއިތުވި ޑިސެމްބަރުމަހު ޔޫކުރެއިންގެ ރައީސް ޒެލެންސްކީވަނީ އެމެރިކާއަށް ވަޑައިގެން އެގައުމުގެ ގާނޫނުހަދާ މަޖިލިހުގައި ތަގުރީރު ކުރައްވާފައެވެ. މި ދަތުރުފުޅަކީ ހަނގުރާމަ ފެށުނުފަހުން ޒެލެންސްކީ ގައުމުން ބޭރަށް ކުރެއްވި ފުރަތަމަ ދަތުރުފުޅެވެ.
ރަޝިއާއިން ޔޫކުރެއިންއަށް އުދުވާނީ ހަމަލާ ދޭން ފެށިފަހުން ޔުކުރެއިން އަސްކަރީ ގޮތުންނާއި އަދި އިންސާނީ އެހީގެ ގޮތުންވެސް އެންމެ ބޮޑު ހޭދައެއް ކޮށްފައިވާ ގައުމަކީ އެމެރިކާއެވެ.
