އދ.ކުނބުރުދޫގެ ގޮނޑުދޮށް ޙިމާޔަތްކުރުމުގެ މަސައްކަތުގެ ދަށުން މިހާރު ކުރިއަށް ދަނީ ބިންހިއްކުމުގެ މަސައްކަތް ކަމުގައި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީ (އެމްޓީސީސީ) އިން ބުނެފިއެވެ.
ކުނބުރުދޫގެ ރަށްގިރުމުގެ މައްސަލައަކީ ރަށުގެ ބޯހިޔާވަހިކަމުގެ މައްސަލައާ ގުޅިގެން، އިތުރަށް ރައްޔިތުން ކަންބޮޑުވެފަވާ މައްސަލައެކެވެ. އެހެން ރަށްރަށާ ޚިލާފަށް ރަށުގެ ހުރިހާ ފަރާތަކުންވެސް އެރަށަށް ރަށްގިރުމުގެ މައްސަލަ ކުރިމަތިވެއެވެ. ޚާއްސަކޮށް ރަށުގެ ދެކުނާއި އިރުމަތިން ބޮޑު ބައެއް ގިރައި ޢާއްމު ދިރިއުޅުމަށް އޭގެ އަސަރު ކުރާ މިންވަރަށް މައްސަލަވަނީ ބޮޑުވެފައެވެ.
އެމްޓީސީސީން މިއަދު ބުނީ ކުނބުރުދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ ދަށުން، މިހާރު ކުރިއަށްދަނީ ބިންހިއްކުމުގެ މަސައްކަތް ކަމުގައެވެ.
Dredging and reclamation operations are progressing for Adh. Kunburudhoo Shore Protection Project.#MTCCProjects #RayyithungeKunfuni pic.twitter.com/NTuSZQQdwq
— MTCC Plc (@MTCCPlc) February 19, 2023
މި މަސައްކަތުގެދަށުން ކުނބުރުދޫ ގިރާ ސަރަޙައްދުން 170މީޓަރުގެ ރިވެޓްމަންޓް ޖެހުމަށްވަނީ ހަމަޖެހިފައެވެ. އަދި ބަނދަރު ހިމެނޭ ސަރަޙައްދުގައި 50މީޓަރުގެ ކީވޯލަކާއި ރޭމްޕެއް ހެދުމުގެ މަސައްކަތް ހިމެނެއެވެ. މި މަސައްކަތް ހަވާލުކޮށްފަވަނީ 9.6މިލިއަން ރުފިޔާއަށް 5މަސްދުވަހުން މަސައްކަތް ނިންމާގޮތަށެވެ.
ކޮމެންޓު ފޮނުވާ